533 पटक पढिएको
बाजुरा: जिल्ला स्वास्थ कार्यालय तथा जिल्ला अस्पताल बाजुराको संयुक्त आयोजनामा रक्त समूह पहिचान कार्यक्रम गरिएको छ ।गणतन्त्र दिवसको अबसमा बुधबार बिहान रक्त समूह पहिचान गरिएको हो ।जिल्लामा जुनसुकै बेला पनि रगतको आवस्यकता पर्ने हुँदा रक्त समूह पहिचान गरेको स्वास्थ कार्यालयका सुचना अधिकारी नृपराज गिरिले बताउनुभयो ।
विशेष गरि जिल्लाका सरकारी कार्यालयका कर्मचारीहरुको रक्त पहिचान गरेको उहाँको भनाई छ ।उहाँले भन्नुभयो आकस्मिक रुपमा विभिन्न बिरामिहरुलाई रगत आवस्यकता परि रहन्छ ।तर जुन बेला रगत आवश्यकता छ त्यस बेला रगत उपलब्ध गराउन मुस्किल पर्ने हुँदा रगतको पहिचान भयो भने माग्न सकिने उहाँले बताउनुभयो ।ल्याब टेक्नेसियन प्रकाश राज गिरिका अनुसार बिहान साढे नौ बजेसम्म बिभिन्न कार्यालयका कर्मचारी र प्रहरी गरि २८ जनाको रक्त पहिचान भएको जानकारी दिनुभयो ।
साथै गणतन्त्र दिवसकै अबसर पारी जिल्ला अस्पताल बाजुराको बेडमा रहेका १८ जना बिरामिलाई फलफूल बितरण गरिएको छ ।
