305 पटक पढिएको
बाजुराः जिल्लाको बुढीगंगा नगरपालिका २ ताप्रीसेरामा एक पसलमा शनिबार विहान करिब ९ः २० बजे आगलागी हुँदा लाखौंको क्षति भएको छ । आगलागी हुनेमा त्रिवेणी नगरपालिका ९ मलालगाउँ घर भएका कृष्णबहादुर विष्टको दुई तले ढुगां माटोले बनेको गोदाम रहेको जिल्ला प्रहरी कार्यालय बाजुराका प्रहरी नायव उपरीक्षक दिलिप कुमार गिरीले बताएका छन् ।
प्रहरी नायव उपरीक्षक गिरीका अनुसार भुई तलामा खाना बनाउने बेला ग्याँस सिलिण्डर लिग भएर आगलागी भएको उनले बताएका छन् । बिहान ९ः २० मा भएको आगलागी साढे दश बजे नियन्त्रणमा लिइएको पशुचौपाया र मानविय क्षती भने नभएको उनले बताएका छन् । आगलागी बाट नगद ६० हजार क्षती भएको उनले बताए।
आगलागीबाट गोदामा राखिएको खाद्यान्न,कुखुराको दाना लत्ताकपडा लगायत करिब २० लाख बराबरको क्षति भएको अनुमान गरीएको प्रहरीले जनाएको छ । घटनाबारे थप अनुसन्धान भईरहेको जिल्ला प्रहरी कार्यालय बाजुराले जनाएको छ ।
