347 पटक पढिएको
गोबिन्द्र तिमिल्सेना,बाजुराः जिल्लाको बडिमालिका नगरपालिका वडा.नम्बर ७ ले २० बर्ष पुरा गरेर बिबाह गरेका ६ जोडीलाई सम्मान गरेको छ ।आज एक कार्यक्रमका बिच २० बर्ष पुरा गरि बिबाह गरेका ६ जोडीलाई सम्मान गरीएको वडा कार्यालयले जनाएको छ । वडामा बाल बिवाह न्युनिकरणका लागि २० बर्ष पुरा गरेर बिवाह गर्ने जोडिलाई वडा कार्यालयले सम्मान गरेको हो ।
सम्मानित हुनेहरुमा रमेश तिमिल्सिना – कमला पाण्डे,चेतराज पाध्या – रुपा जोशी, , रामलाल खत्री – संगिता डाँगी, मुकुन्द्र प्रसाद जोशी – विमला कुमारी जैशी र किशोर राज जैशी कविता कुमारी तिमिल्सिनाको जोडीलाई दोसल्ला सहित सम्मानित गरीएको वडा सचिव सरीता कुमारी ठकुल्लाले लोकतन्त्र बिहानी न्युजलाई जानकारी दिएकी छन् । २० बर्ष पारी बिबाह गर्ने यस बर्ष ६ जोडीलाई सम्मान गरीएको उनले बताएकी छन् । त्यस्तै घरेलु हिंसा पिडित महिलाहरुलाई पनि न्यानो कपडा बितरण गरीएको उनले बताइन् ।
