56 पटक पढिएको
लोकतन्त्र बिहानी न्युज असार १६,बाजुराः माध्याामिक शिक्षा परीक्षा (एसईई) मा बडिमालिका नगरपालिकाका १७० विद्यार्थी उत्तीर्ण भएका छन । भने ३४० जना बिद्यार्थी नन ग्रेडेडमा परेका छन । नगरपालिकाका ९ वटा वडा बाट सहभागी १० वटा बिद्यालयका ५१० सहभागी बिद्यार्थीहरुबाट सो संख्यामा उत्तीर्ण भएका हुन् भने ३४० बिद्यार्थीहरु नन ग्रेडेडमा परेका छन।
बडिमालिका नगरपालिका वडा नम्बर १ खेतीपातल पिनालेखमा रहेकाे जाल्पादेवि मावि बाट सहभागी २६ जना बिद्यार्थीहरु मध्ये ५ जना उत्तीर्ण भएका छन् भने २१ जना नन ग्रेडेड अर्थात ( एनजी) मा परेका छन् । त्यस्तै बडिमालिका नगरपालिका २ भाैनेरामा रहेकाे सत्यबादी मावि बाट सहभागी २९ जना बिद्यार्थीहरु मध्ये १ जना उत्तीर्ण भएका छन् भने अरु २८ जना नन ग्रेडेडमा परेका छन् । बडिमालिका ३ रजालीमा रहेकाे चाेयाकाेट माविका ३४ जना सहभागी बिद्यार्थीहरु मध्ये १ जना उत्तीर्ण भएका छन् भने ३३ जना नन ग्रेडेमा परेका हुन्। कैलाशेश्वरी मावि मनाका १८ जना सहभागी बिद्यार्थी मध्ये १० जना उत्तीर्ण भएका छन् भने ८ जना नन ग्रेडेडमा परेका हुन्।
त्यस्तै यता बडिमालिका नगरपालिका ६ मा रहेकाे नेपाल राष्ट्रिय माध्यामिक बिद्यालयबाट सहभागी ६७ जना बिद्यार्थीहरु मध्ये कुनै पनि उत्तीर्ण हुन सकेनन् अर्थात् बिद्यालय निलमा आएको छ । बडिमालिका ७ मा रहेका दुई बिद्यालय मध्ये ज्ञानाेदय मावि बाट सहभागी ११ जना बिद्यार्थी मध्ये ५ जना उत्तीर्ण भएका छन् भने ६ जना नन ग्रेडेडमा परेका छन् । यस्तै साेहि वडामा रहेकाे लक्ष्मि मावि बाट सहभागी २१ जना बिद्यार्थीहरु मध्ये २ जना मात्रै उत्तीर्ण भएका छन् भने अन्य १९ जना नन ग्रेडेडमा परेका छन् ।
यता जिल्ला सदरमुकाममा रहेकाे मालिका नमुना माध्यामिक बिद्यालबाट साधारण तर्फ सहभागी २६८ जना मध्ये १२३ जना उत्तीर्ण भएका छन् भने १४५ जना नन ग्रेडेडमा परेका हुन् । साेहि बिद्यालयकाे खुला तर्फ बाट सहभागी १३ जना मध्ये २ जना उत्तीर्ण भएका छन् भने ११ जना नन ग्रेडेडमा परेका छन्। यस्तै बडिमालिका ईङ्लिस बाेर्डिङ स्कुलबाट सहभागी ५ जना बिद्यार्थी मध्ये ३ जना उत्तीर्ण भएका छन् भने २ जना नन ग्रेडेडमा परेका हुन् । यता क्रेटर जाेन ऐकेडेमि भने जिल्लाकै पहिलाे भएको छ । १८ जना सहभागी बिद्यार्थीहरु मध्ये सबै बिद्यार्थीहरु उत्तीर्ण भएका छन् । बडिमालिकाकाे पहिलाे हुनुका साथै सिङ्गो जिल्लाकै पहिलाे बनेकाे छ ।
पालिकाबाट सहभागी १० बिद्यालयका बिद्यार्थीकाे नतिजा हेर्दा सबैभन्दा उपलब्धि मुलक क्रेटर जाेन ऐकेडेमि काे देखिएकाे छ । बिद्यार्थी सङ्ख्याकाे आधारमा हेर्ने हाे भने मालिका माविकाे पनि सन्ताेषजनक रहेकाे पाईदैन् । नतिजा हेर्ने हाे भने सबैभन्दा कमजाेर नेरा. मावि काे रहेकाे छ जुन बिद्यालयबाट कुनै पनि बिद्यार्थी उत्तीर्ण हुन सकेका छैनन्। सहभागी ६७ जना बिद्यार्थी मध्ये सबै नन ग्रेडेडमा परेका छन् बिद्यालय निलमा परेकाे हाे। अन्य बिद्यालका बिद्यार्थीकाे सङ्ख्याकाे भन्दा न्युन बिद्यार्थी सङ्ख्या रहेकाे बडिमालिका ईङ्लिस र ज्ञानाेदय माविका करिब ६० र ५० प्रतिशत उत्तीर्ण हुन सफल भएका छन् भने कैलाशेश्वरिकाे पनि कुल बिद्यार्थी सङ्ख्या मध्ये ५५.५६ उत्तीर्ण हुन सफल भएका छन् । अन्य बिद्यालकाे भने निराशाजनक रहेकाे छ ।
यता बडिमालिका १ मा रहेकाे जाल्पादेवि माविका कुल बिद्यार्थी सङ्ख्या मध्ये १९.२३ बिद्यार्थी उत्तीर्ण भएका छन् । सत्यबादी मावि भाैनेराका कुल बिद्यार्थी सङ्ख्या मध्ये ३.४५ मात्रै उत्तीर्ण भएका छन् । चाेयाकाेट माविका कुल बिद्यार्थी सङख्या मध्ये २.९४ प्रतिशत बिद्यार्थी उत्तीर्ण भएका छन् । यता बडिमालिका ७ जिल्लिमा रहेकाे लक्ष्मि माविका कुल बिद्यार्थी मध्ये ९.५२ प्रतिशत मात्रै उत्तीर्ण भएका छन् । नेरा माविकाे भने शून्य रहेकाे छ । मालिका माविका कुल बिद्यार्थी सङ्ख्या मध्ये ४५.९ प्रतिशत उत्तीर्ण भएका छन् खुलामा भने १५.३८ प्रतिशत उत्तीर्ण भएका छन् । क्रेटेड जाेन ऐकेडेमिका कुल बिद्यार्थी सङ्ख्या मध्ये १०० प्रतिशत नै उत्तीर्ण भएका छन् ।
पालिकाका बिद्यालयकाे नतिजा दुई तीन बिद्यालय बाहेक अरु सबै बिद्यालकाे निकै निराशाजनक रहेकाे छ । यसबारे समयमै सबैले साेच्नुपर्ने देखिएकाे छ । कुन बिद्यालयकाे शैक्षिक स्तर कसरी र किन खस्क्याे भन्ने बिषमा सम्बन्धित वडा र पालिकाले ध्यान दिन आबश्यक रहेकाे देखिन्छ । यदि यसलाई सुधार गर्न सकिएन भने पछिल्ला बर्षहरुमा झन शैक्षिक स्तर खस्किदै जाने सम्भावना रहेकाे छ । राष्ट्रिय परीक्षा बोर्डले माध्यमिक शिक्षा परीक्षा (एसईई) मा नन ग्रेड प्राप्त गरेका बिद्यार्थीहरुकाे ग्रेडवृद्धि परीक्षा आगामी साउन १८ र १९ गते सञ्चालन गर्ने भएको छ । शिक्षा बिज्ञान तथा प्रविधि मन्त्रालयकाे निर्णय अनुसार दुई विषय भन्दा बढि बिषयमा नन ग्रेडेड आएका बिद्यार्थीहरुले पनि पुरक परीक्षा दिन पाउने निर्णय गरेकाे छ । बढि मात्रामा बिद्यार्थी असफल हुदा यस्ताे निर्णय गरिएको बताएकाे छ ।
प्रतिक्रिया
सम्बन्धित खवर
