बाजुराः गए राति देखि नै बाजुरा सहित देशका बिभिन्न ठाउँमा भारी बर्षा जारी रहेको छ । मनसुन थप सक्रिय भएसंगै बाजुरा सहित देशभरका बिभिन्न स्थानमा भारी बर्षा भएको छ । जल तथा मौसम विज्ञान विभाग मौसम पूर्वानुमान महाशाखाले मनसुन सक्रिय रहेको भारी बर्षा भईरहेको हुँदा उच्च सतर्कता अपनाउन अनुरोध गरेको छ ।

आगामी तिन दिन पश्चिमी नेपालका जिल्लाहरुमा भारी बर्षा हुने भएकोले महाशाखाले सर्तकता अपनाउन आग्रह गरेको छ । सुदुरपश्चिमका कैलाली कञ्चनपुर लगायत बझांग डोटी,डडेलधुरा,दार्चुला,बैतडी,अछाम,बाजुरा,मा अहिले भारी बर्षा भईरहेको छ । सोमबार सम्म भारी बर्षा हुने भएकोले उच्च् सर्तकता अपनाउन महाशाखाले अनुरोध गरेको छ ।

महाशाखाका अनुसार मनसुनको न्यूनचापीय रेखा पूर्वतर्फ सरदर स्थानको आसपास तथा पश्चिमतर्फ सरदर स्थानको उत्तरमा अवस्थित रहेका कारण देशका धेरै स्थानमा भारी वर्षा भइरहेको छ ।अहिले देशभर साधारणदेखि पूर्णतया बदली छ । बागमती, गण्डकी, लुम्बिनी,सुदूरपश्चिमलगायत सबै प्रदेशमा साधारणदेखि मध्यम वर्षा भइरहेको छ । केही स्थानमा भने भारी वर्षा भइरहेको छ ।

राति पनि देशभर साधारणतयादेखि पूर्णतया बदली रहनेछ । कोशी र मधेस प्रदेशका केही तथा बाँकी प्रदेशका धेरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ ।कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा तथा मधेस प्रदेशका एकदुई स्थानमा भारीदेखि धेरै भारी वर्षाको सम्भावना छ । मुलुकका विभन्न भागमा भारी वर्षा हुँदा हुन सक्ने जोखिमबाट जोगिन सतर्कता अपनाउन महाशाखाले सबैमा अनुरोध गरेको छ ।नदी तटिय तथा पहिरो जान सक्ने ठाउँका नागरीकलाई बढी सर्तकता अपनाउन महाशाखाले अनुरोध गरेको छ ।