364 पटक पढिएको
बाजुराः जिल्ला प्रशाशन कार्यालय बाजुराले ज्याला, ढुवानी तथा स्थानीय निर्माण सामग्रीहरुको दररेट निर्धारण गरेको छ । प्रशाशनले अगामी आर्थिक बर्ष २०८१/०८२ का लागि सामाग्रीहरुको दररेट निर्धारण गरेको हो । प्रशासनले आज आर्थिक बर्षका लागि ज्याला, ढुवानी तथा स्थानीय निर्माण सामग्रीहरुको दररेट निर्धारण गरि सार्वजनिक गरेको हो । श्रमिकको ज्याला, स्थानीय संकलन तथा ढुवानीको छुट्टाछुटै दररेट निर्धारण गरिएको प्रशाशन बाजुराले जनाएको छ ।
बडिमालिका मुल मन्दिर क्षेत्र, त्रिवेणी पाटन र बुढीनन्दा मन्दिर तथा पाटन क्षेत्र र हिमाली गाउँपालिका १,२ र ३ लगायतका ३ हजार मिटर भन्दा उचाई बढी भएका क्षेत्रमा निर्माण कार्यको ढुवानी र दक्ष, अदक्ष ज्यामीको निर्धारित दररेटमा ५० प्रतिशतले थप गर्ने निणर्य गरिएको प्रशाशन बाजुराले जनाएको छ ।त्यस्तै खप्तड क्षेत्रमा निर्माण कार्य गराउँदा ४० प्रतिशत थप गरि दररेट कायम गर्ने, गौमुल गाउँपालिकाको पौदाली र अन्द्राणीमा ४० प्रतिशत र बडिमालिका नगरपालिका ७ को कालाजाग्रा क्षेत्रमा ३० प्रतिशत ढुवानी भाडा जोडेर दररेट कार्य गर्ने निणर्य गरेको प्रशासनले बाजुराले जनाएको छ ।
निमार्ण सामाग्री लगायतका विविध बस्तुहरुको हवाईजहाज मार्फत ढुवानी गर्नु पर्दा नागरीक उड्डयन प्राधिकरणले तोकेको दररटेलाई नै निर्धारण गरीने भएको छ । त्यस्तै सजिलो सामानको लोड,अनलोडका लागी प्रति क्विण्टल रु.२४ र असजिलो सामान लोड,अनलोडको लागी प्रति क्विण्टल ३१ कायम गरीएको छ । साथै बिद्युतको पोल ट्रान्सर्फमर र अन्य बिद्युत सामाग्रीहरुको लोड,अनलोडको लागी प्रति क्विण्टल ११० रुपैया कायम गर्ने निर्णय गरीएको प्रशाशनले जनाएको छ । मार्तडी बजार भित्र भरीयाद्धारा सामान ढुवानी गर्दा प्रति.के.जी.प्रति.कि.मी. २ं.७५ रुपैया कायम गरीएको छ ।
फलफुल बिरुवाको खरिदको हकमा नेपाल सरकार कृषि तथा पशुपंक्षी बिकाश मन्त्रालयको खण्ड (६९)संख्या २६ नेपाल राजपत्र भाग ५ मिति २०७६ असोज ६ गतेबाट लागु भएको सूचना बमोजिम बिभिन्न फलफुल बिरुवाको स्वीकृत मुल्य सुचिमा जिल्ला स्तरमा खरिद गरीने बिरुवामा २० प्रतिशत थप गर्ने तथा बिरुवाको खरिद मुल्यमा १० प्रतिशत प्याकेजिगं चार्ज गर्ने र बिदेशी(स्याउ,ओखर)ओखर कलमी नेपाली,सुन्तलाजात,किबी,तथा हाइब्रेड जातका फलफुल र फुलका बेर्नाको हकमा प्रचलित बजार दररेट अनुसार हुने जनाएको छ । साथै फलफुल र फुलका बेर्नाको ढुवानी गर्दा जिल्ला दररेटमा ३० प्रतिशत थप गर्ने निर्णय गरीएको प्रशाशन बाजुराले जनाएको छ ।
