883 पटक पढिएको
बाजुरा– २८ मंसिरमा मतदान हुने २७ औं महाधिवेशनका लागि दुई संगठनले केन्द्र र प्रदेश कार्य समितिमा पनि भागबण्डा गरेको छ ।
नेपाल प्रेस युनियन र प्रेस चौतारी नेपाल बीच भागबण्डा टुंगिएको भएता पनि बाजुरामा भने भागवण्डामा सहमति नभएर एक्ला एक्लै भिड्ने भएका छन । यसै क्रममा नेपालका ठुला दुई राजनितिक दलका सुभेच्छुक पत्रकार संगठनले कुन जिल्लामा कस्को भागमा अध्यक्ष पाउने भन्ने विषयमा नेपाल प्रेस युनियन र प्रेस चौतारी नेपाल केन्द्रीय समितिहरुले निर्णय गरी प्रदेश, जिल्ला सम्म अध्यक्षको भागबण्डा गरेको छ ।
मंसिर २५ गते नेपाल प्रेस युनियन र प्रेस चौतारी नेपाल बिच नेतृत्वका लागि साझा सहमति भएको थियो । देश भरीका जिल्लाहरुलाई अध्यक्ष पदका लागि भागबण्डा गर्दा ४३ जिल्लाको नेतृत्व युनियन पाउने र ३४ जिल्लाको नेतृत्व चौतारीले पाउने गरी भागवण्डा भएको थियो । युनियन र चौतारी नेतृत्वले जिल्लागत भागबण्डा नै टुंग्याएको छ । तर बाजुरा जिल्लामा भने यो सहमति उल्टिएको छ । बाजुरा जिल्लामा भने नेपाल प्रेस युनियन र प्रेस चौतारी एकला एक्लै भिड्ने भएका छन ।
बाजुरा जिल्लामा भने अध्यक्ष देखि अन्य पदको लागि नेपाल प्रेस युनियन र प्रेस चौतारी नेपाल भिड्ने भएका छन । अध्यक्ष पदका लागि नेपाल प्रेस युनियन जिल्ला शाखा बाजुराका पुर्व अध्यक्ष प्रेम रौलेले फेसबुक मार्फत आफ्नो उम्मेद्वारी घोषणा गरेका थिए । तर पछिल्लो जानकारी अनुसार भने प्रेस युनियनको उच्च पदस्थले नै जिल्लाको महासंघको नेतृत्वका लागि भिड्ने भएको छ । चर्चामा कोही नभए पनि युनियनले भने प्रमुख ब्यक्तिलाई नै अध्यक्ष पदका लागि अगाडी सार्ने भनिएको छ ।
त्यस्तै प्रेस चौतारी नेपाल बाजुराले पनि आफ्नो बलियो उम्मेद्वार सहितको टिम भिडाउने संकेत देखिएको छ । जिल्लामा महासंघको नेनृत्व कसलाई दिने भन्ने दुबै संगठनले बाह्य रुपमा ठम्याउन सकेका छैनन । आन्तरिक रुपमा भने केही चर्चित बयक्तिहरुको नाम आउन थालेको छ । अब महासंघको निर्वाचन आँउन २ दिन मात्र बाँकी रहेका छन ।
अहिले जिल्लाका क्रियाशिल पत्रकार जिल्ला बाहिर रहेकाले दुबै संगठनहरुले अ मत हाफ्नो पोल्ठामा पार्नका लागि जिल्ला बाहिर रहेका पत्रकारलाई आफ्नो आफ्नो तरिकाले जिल्ला आएर आफ्नो पक्षमा मतदान गर्न अनुरोध गरि रहेका छन । यि दुई ठुला संगठनले सानो संख्यामा रहेका प्रेस सेन्टर र क्रान्तिकारी प्रेस संगठनलाई समेत आफ्नो आफ्नो पक्षमा मतदान गर्न लभिङ गरि रहेका छन ।
