57 पटक पढिएको
बाजुरा : गौमुल गाउँपालिकाले फलाम खानीको सम्भाव्यता अध्ययन गर्न उद्योग मन्त्रालयलाई पत्र पठाएको छ । आइतवार गाउँपालिकाले उद्योग वाणिज्य तथा आपूर्ति मन्त्रालयलाई उक्त पत्र पठाएको गाउँपालिकाले जनाएको छ ।
परापूर्वकालमा उत्खनन गरेर बनाइएका फलामका भाँडाकुँडा र औजारहरू रहेको तथ्य सहीत मन्त्रालयलाई सम्भाव्यता अध्ययन गर्न पत्र पठाएको गौमुल गाउँपालिका अध्यक्ष हरिबहादुर रोकायाले बताउनु बताए। उनका अनुसार कतिपय फलामका औजार र भाँडाकुँडा हालसम्म पनि प्रयोगमा रहेको भन्दै सम्भाव्यता अध्ययन गरी दिन आग्रह गरेको बताउनु भयो ।
फलाम खानी उत्खनन गर्न सके मुलुकलाई फलामको कच्चा पदार्थको स्रोत पहिचान गर्न र यस क्षेत्रमा कलकारखाना स्थापना भई आर्थिक रुपमा बृद्धी गर्न सकिने गाउँपालिकाले विश्वास लिएको छ । गाउँपालिकाले सम्भाव्यता अध्ययनलाई पहिलो प्राथमिकतामा राखेर मन्त्रालयलाई सम्भाव्यता अध्ययन गर्न तत्काल आवश्यक प्राविधिक र बजेटको व्यवस्था मिलाई दिन अनुरोध गरेको छ ।
