102 पटक पढिएको
बाजुरा : जिल्लाको बुढिगंगा नगरपालिकाले माटो परिक्षण घुम्ती शिविर संञ्चालन गरेको छ। माटो परिक्षण प्रयोगशाला सन्दरपुर कञ्चनपुरको प्राविधिक सहयोग तथा बुढिगंगा नगरपालिकाको आयोजनामा उक्त शिविर संञ्चालन गरिएको बुढिगंगा नगरपालिका नगर प्रमुख राम बहादुर बानियाँले बताए ।
उहाँका अनुसार बुढीगंगा नगरपालिकाले पालिका भित्र रहेका सम्पूर्ण कृषकहरुले गर्ने खेतियोग्य जमिनमा माटोको परिक्षण गरि कुन प्रजातीको खेती लगाउदा राम्रो हुन्छ भन्ने उदेस्य सहित उत्पादनमा जोड दिन माटो परिक्षण घुम्ती शिविर संचालन गरिएको बताए ।
हिजो बुधबार एक कार्यक्रमका बिच माटो परिक्षण घुम्ती शिविर संचालन गरि नगरपालिकाका फालासैन, बेतालमाण्डु, ताप्रीसेरा लगायतका विभिन्न ठाउँमा माटो परिक्षण गरिएको नगरपालिकाले जनाएको छ ।
बुढीगंगा नगरपालिकाका नगरप्रमुख राम बहादुर बाँनियाको अध्यक्षतामा संचालन भएको सो शिविर फालासैनमा संचालन गरिएको हो। शिविर तीन दिन सम्म बिभिन्न ठाउँमा संचालन गरिने बुढिगंगा नगरपालिकाले जनाएको छ ।
