बिष्णु बहादुर धामी

नेपाल सांस्कृतिक संघ जिल्ला सभापति
हरेक वस्तु भित्र संघर्ष हुन्छ । किनकी कुनै पनि चिजको विकासको निमित्त संघर्ष अनिवार्य छ । त्यसैले समाजमा संघर्ष छ र संघर्ष हुनु पनी पर्दछ । त्यस्तै हरेक राजनितिक दलभित्र पनी संघर्ष हुन्छ । एउटा सानो परिवारमा समेत संघर्ष हुन्छ भने एउटा व्यक्ति आन्तरिक मन भित्र संघर्ष चलिरहेको हुन्छ । उक्त संघर्ष सत्य र असत्यका बिचमा, सहि र गलतका बिचमा, ठीक र बेठीकका बिचमा तथ्य र अतथ्यका बिचमा नै चलेको हुन्छ त्यहि संघर्षले हो एउटाले अर्कोलाई समाप्त गर्ने हो ।

एउटाले अर्कोलाई समाप्त गर्नु भनेको एउटाले अर्को माथि विजय प्राप्त गर्ने हो । हरेक बिसयबस्तुमा सर्वहारा वर्गले विजय प्राप्त गर्‍यो भने सत्यको विजय हुन्छ भने पूँजी पति वर्गले विजय प्राप्त गर्‍यो भने असत्यको विजय हुन्छ त्यस कारण कसैको प्रगती हुदैन । त्यसैले जहाँ पनि सत्यको विजयको आवश्यकता छ । त्यसैले सर्वहारा वर्ग र पार्टीको संरक्षणको विजयका निमित्त सशक्त वर्ग संघर्षको आवश्यकता पर्दछ । किनकी पुँजीपति वर्गको हातमा सत्ता छ, स्रोत छ र साधन छ । वर्गको सत्ता वदल्न, विचार, राजनीति, संगठन, प्रविधि, सहास सवै चिजको आवश्यकता पर्दछ । त्यहि संघर्ष हो सबैको बिचार बदल्न सक्ने र बिजय प्राप्त गर्ने अवसर ?

अहिले देशभर नेपाली काँग्रेसको १४ औं महाधिबेशनले पार्टीभित्रको अन्तर संघर्षको प्रतिसप्रधा चलिरहेको देखिन्छ । बडा तह पालिका जिल्ला हुदै केन्द्रसम्म कसरी आफु माथिल्लो पदमा पुग्ने भन्ने अन्तर संघर्षमा नेताहरु देखिन्छन् । महाधिवेशनको मिति नजिकिंदै गर्दा कांग्रेसमा नेतृत्वको बहसले प्राथमिकता पाएको हो ।
पार्टी भित्रको अन्तर संघर्षमा सभापती कविराज पण्डित र बरिष्ठ नेता रामसिंह रावलको अन्तीम प्रतिसप्रधा हुने देखिन्छ । जिल्लामा पार्टीको महाधिबेशनले अहिले निकै चहल पहल बढीरहेको छ । जिल्लाको नेतृत्व कस्ले लिने भन्नेमा निकै होडबाजि हुने देखिएको छ । दुई नेताबिच हुने प्रतिसप्रधामा पार्टीका सबै तहका नेता कार्यकर्तासंगको सहकार्य कस्ले बढी गरिरहेको छ गृहकार्य हुने देखिन्छ ।

व्यक्ति, परिवार वा पार्टी भित्र चल्ने संघर्ष र त्यसलाई बदल्नका निमित्त इच्छा शक्तिसहित सकारात्मक सोच चाहिन्छ र नेतृत्व पंतिमा हुनुपर्ने गुण पनी यहि हो । पहिलो रहेक व्यक्तिले आफंैभित्रका खराबीका विरुद्ध संघर्ष गर्ने आँट र हिम्मत गर्नु पर्छ त्यसकारण बजियको संकेत पनी झल्किन्छ । तब मात्र उसले आफ्ना पार्टीलाई सकारात्मक दिशामा बदल्न सक्छ । पार्टीलाई बदल्न सक्छ र समाजलाई बदल्न सक्छ । पहिला अरु भित्र होइन आफै भित्रका खराबीको खोजी गर्नु सक्नु पर्दछ । त्यसलाई सतहमा ल्याउने कोशिस गर्नु पर्छ । यो सच्चा सर्वहारा वर्गको पहिलो दायित्व हो ।
आउदो श्रावण १२ गते गाँउ अधिवेशन हुदै १६ गते नगर तथा गाँउपालिका अधिवेशन, श्रावण २० गते प्रदेश (क) र प्रदेश (ख) अनी त्यस पछि मात्र श्रावण २२ गते जिल्ला अधिवेशन हुँने समय तय भएको छ । ७७ वटै जिल्लाको जिल्ला अधिवेशन सकेर भाद्र १६ देखी १९ गते सम्म केन्द्रीय अधिवेशन हुने भएकोे छ ।
जिल्लाको नेतृत्व जस्को हातमा गएपनी सबैलाई अग्रीम शुभकामना । जय नेपाल

लेखक :– बिष्णु बहादुर धामी हाल नेपाल सांस्कृतिक संघका जिल्ला सभापित समेत रहेका छन् ।