648 पटक पढिएको
बाजुराः–मंगलबार बिहान जगन्नाथको पिलुचौर बाट जगन्नाथको काँडाकोट जिप दुर्घटनामापरेको थियो । जीप दुर्घटनामा परी ३ जनाको मृत्यु र दुई जना गम्भिर घाइते भएका थिए ।
मृतकहरुमा नेपाल टेलिकम शाखा कार्यालय बाजुरा शाखाका कार्यालय प्रमुख ४५ बर्षिय लोक बहादुर खड्का, नेपाल टेलिकम कालाजग्रामा कार्यरत बाजुरा जिल्लाको बडीमालिका नगरपालिका वडा नं. ७ ढम्कने घर भएका ३५ बर्षिय रबिन्द्र धामी र कञ्चनपुर जिल्ला कृष्णपुर नगरपालिका वडा नं. २ बाणी घर भएका ५७ बर्षिय जीप चालक करन सिंह महतारा रहेको पुष्टि भएको छ ।
मृतक नेपाल टेलिकम शाखा कार्यालयका कार्यालय प्रमुख लोक बहादुर खड्का कैलाली,धनगढी उपमहानगर– ५ तानानगर स्थायी बासिन्दा हुन भने एक जना कञ्चनपुर र एक जना बाजुराका स्थायी बासिन्दा रहेको कुरा पुष्टि भएको छ ।
गम्भीर घाइते हुने हरुमा बुढीनन्दा नगरपालिका वडा नं. २ कोल्टीका अन्दाजी २५ बर्षिय नन्द तिरुवा र अर्का घाइते सोही ठाँउका अन्दाजी २२ बर्षिय लोकेन्द्र तिरुवा रहेको जिल्ला प्रहरी कार्यालय बाजुराले जानाएको छ । मृृतक र गम्भीर घाइतेलाई एम्बुलेन्समा सदरमुकाम मार्तडी ल्याइएको छ । जिप सडक बाट अन्दाजी ८० मिटर तल खसेको जनाइएको छ ।
