271 पटक पढिएको
बाजुरा,२४ जेठ- जिल्लाको बुढीगंगा नगरपालिका–६ मा पर्ने बाम्का बजारमा एक होटलमा खाना पकाउने ग्यासको सिलिण्डर पड्किएर आगलागि भएपछि इन्टरनेट सेवा अवरुद्ध भएको छ ।
साँफे–मार्तडी राजमार्गमा पर्ने बाम्का बजारमा शुक्रबार नवदुर्गा होटलमा ग्यास पड्किएर आगलागी हुँदा इन्टरनेटको तार जलेपछि सेवा अवरुद्ध भएको नेपाल टेलिकम बाजुरा शाखाले जनाएको छ ।
बाम्का बजारमा आगलागी भएपति विद्युतको तारसंगै इन्टरनेटको पनि जलेको नेपाल टेलिकम बाजुराका गंगाराम जैशीले बताएका छन् ।
उनका अनुसार टेलिकमको तार जलेको डडेल्धुरामा खबर गरिसकेको छ । मर्मत टोली भोलिसम्म आइपुग्ने टेलिकमका जैशीले बताए ।
फाइबर इन्टरनेटको तार त्रिवेणी नगरपालिका र बुढीगंगा नगरपालिकाको जलेर नष्ट भएको छ । भने मार्तडीको इन्टरनेटको तारको लिंकमा पनि खरावी आएका कारण इन्टरनेट सेवा सुचारु हुन नसकेको जैशीको भनाई रहेको छ ।
इन्टरनेट सेवा अवरुद्ध हुँदा जिल्लाका संचार माध्यम र सरकारी तथा वित्तिय संस्थाहरुको काम प्रभावित बनेका छन् ।
