394 पटक पढिएको
बाजुरा,२५ जेठ- सुदूरपश्चिम प्रदेशका पुर्व प्रदेश प्रमुख देवराज जोशी र प्रदेश सभा सदस्य पदमबहादुर शाहीले बुढीगंगा नगरपालिका–६ बाम्कामा जेठ २३ गते शुक्रबार दिउँसो ग्यास सिलिण्डर पड्किएर भएको क्षतीको निरिक्षण गरेका छन् ।
आइतबार पुर्व प्रदेश प्रमुख जोशी,प्रदेश सभा सदस्य शाही र नेपाली काँग्रेस सुदूरपश्चिम प्रदेश कार्य समिति सदस्य रनसिं अयडीले ध्वस्त भएको बाम्का बजारको निरिक्षण गरेका हुन् ।
उनीहरुले शुक्रवार दिउँसो भीषण आगलागी भएर ध्वस्त भएको बाम्का बजारमै पुगेर घटनाको जानकारी समेत लिएका छन् । सो क्षेत्रको निरीक्षणपछि आगलागीबाट पीडितहरुलाई भेटेर तत्काल राहत र पुनःस्थापनाका लागि सम्बन्धित निकायमा पहल गरी रहेको प्रतिक्रिया दिए ।
आजै सुदूरपश्चिम प्रदेश सरकारले तत्काल आगलागी पीडितका लागि राहत स्वरुप ४० लाख रुपैयाँ सहयोग गर्ने निर्णय समेत गरेको छ ।
त्यस्तै पीडितहरुका लागि जिल्लाका बुढीगंगाले पाँच लाख, त्रिवेणीले दश लाख र स्वामिकार्तिकले एक लाख एक हजार एक सय राहत दिने निर्णय गरेका छन् । भने बुढीनन्दा नगरपालिकाले एक लाख सहयोग गरेको छ ।
शुक्रवार दिउँसो बाम्का बजारमा रहेको नवदुर्गा होटलमा सिलिण्डर ग्याँस पड्किएर आगलागी हँुदा कम्तिमा दुई दर्जन बढी पसलहरुमा क्षति भएको अनुमान गरिएको छ ।
त्यस्तै शनिवारदेखि घटनाको एकिन विवरण संकलन कार्य भइरहेको छ भने आगलागीबाट १९ करोड बढीको क्षति भएको अनुमान गरिएको छ ।
