बाजुरा– खाद्य अधिकार बाजुराले जिल्लाका पत्रकारहरु संग अन्तरक्रिया गरेको छ । कोराना भाईरस कोभिड १९ को दोस्रो लहर केहि मात्रामा ओरालो लाग्दा जिल्लामा एक कार्यक्रमको आयोजना गरी छलफल गरेको जिल्ला अध्यक्ष मदनराज जैशीले बताउनुभयो । जोशीका अनुसार जिल्लामा खाद्य संकट हुन नदिन संचारमाद्यामले कसरी भुमिका खेल्नुपर्छ कस्ता सवाललाई उठान गर्दा राम्रो होला भन्ने बिषयमा छकस्ता सवाललाई उठान गर्दा राम्रो होला भन्ने बिषयमा छलफल भएको हो ।
छलफलले आगामी दिनमा खाद्यको क्षेत्रमा केहि राहत हुने देखिएको छ । आयातलाई बढुवा दिनुभन्दा जिल्लामै सम्भावनाको खोजी गरी उत्पादमुखी बन्न जनतालाई सुसुचित गर्न कार्यक्रममा सहभागी पत्रकार दयाराम पण्डितले बताए । पण्डितले जिल्लामा खाद्यको सवालमा रिपोटिङ गर्दा भोकमरी भयो जस्ता समाचारको मात्रै खोजी गर्नु भन्दा जिल्लामै कसरी आम्दानीलाई बढाउन सकिन्छ भन्ने बिषयमा रीपोटिङ गर्न आग्रह गरे ।
जिल्ला खाद्य अधिकार संजाल बाजुराका अध्यक्ष मदनराज जैशीको अध्यक्षतामा संचालन भएको थियो । कार्यक्रममा नेपाल पत्रकार महासंघका संस्थापक अध्यक्ष दयाराम पण्डित, नेपाल पत्रकार महासंघका बरिष्ठ उपाध्यक्ष पदम सिंह, नेपाल पत्रकार महासंघका निबर्तमान अध्यक्ष प्रकाश बहादुर सिंह, जिल्ला खाद्य अधिकार संजाल बाजुराका सदस्य बसन्त बिश्कर्मा लगाएत जिल्लाका २५ बढी क्रियाशिल पत्रकारको सहभागिता रहेको थियो । जिल्ला खाद्य अधिकार संजाल बाजुराको आयोजनामा संचालन भएको कार्यक्रममा फियान नेपाल बाजुराको सहयोग रहेको थियो ।
फियान नेपाल बाजुराका जिल्ला कोडिनेटर तथा पत्रकार महासंघका निवर्तमान अध्यक्ष प्रकाश बहादुर सिंहले कार्यक्रम बारे प्रष्ट पार्नुभएको थियो भने कार्यक्रमको संचालन जिल्ला खाद्य अधिकार संजाल बाजुराका सचिव लक्ष्मिराज पाध्याले गर्नुभएको थियो ।