341 पटक पढिएको
कैलाली– कैलालीको टीकापुर नगरपालिकामा तालाबन्दी गरिएको छ। वडा नम्बर १ वनगाउँवासीले वडा विभाजनको विषयमा असहमति जनाउँदै बुधबार नगरपालिकामा तालाबन्दी गरेका हुन्।
उनीहरुले नगरपालिकाको हालको वडा नम्बर १ लाई कम्तिमा ६ वटा वडा बनाईनुपर्ने माग राखेका छन्। नगरपालिकाले भने राजनीतिक दलको सहमति भन्दै वडा नं। १ लाई ५ वडामा विभाजन गर्ने तयारी थालेको छ।
९ वटा वडा रहेको टीकापुर नगरपालिकाले वडा नम्बर १ लाई ५ र वडा नम्बर २ लाई २ वटा वडामा विभाजनको तयारी गरिरहेको छ।
वनगाउँमा थारु समुदायको बसोबास रहेको छ। उनीहरुले नगरपालिकाले आफूहरुलाई अल्पमतमा पार्ने षडयन्त्र अनुसार वडा विभाजनको काम अघि बढाउको आरोप लगाएका छन्।
नगरपालिकाको वडा नम्बर १ जनसंख्याका हिसाबले नेपालको सबैभन्दा ठूलो मानिन्छ। त्यहाँ ५० हजार जनसंख्या रहेको छ। दिनेश खबरबाट साभार
