सम्बाददाता–कोेरोना भाइरस (कोभिट–१९) को दोस्रो चरणको लहर तीव्र गतिमा फैलिँदै गएको छ । गत साताको तुलना यो साता २ सय २८ प्रतिशतले संक्रमित बढेका छन् । यसरी दिनानु तिब्र गतिमा चलिरहेको बेला अस्पतालहरुमा उपचार कक्षमा आईसीयू, भेन्टिलेटर र अक्सिजन अभावले समस्या झन् जटिल समस्या देखा परेको बिज्ञहरुको भनाई रहेको छ । संक्रामण रोग विशेषज्ञ डा. अर्चना श्रेष्ठले नेपालमा एक जना संक्रमितले दुई व्यक्तिलाई संक्रमण सारिरहेको बताएकी छन । यो वर्ष नेपालले पनि भारतको जस्तै ठुलो क्षति ब्यहोर्नु पर्ने डा. श्रेष्ठले बताइन । बिगतको तुलनाम भारत भन्दा नेपालमा संक्रमण दर निकै नै बढेको पाइएको छ ।

पछिल्लो २४ घण्टामा नेपालमा कुल ४८ सय ९७ जनामा कोरोना पुष्टि भएका पीसीआर र एन्टिजेन परीक्षणबाट पुष्टि भएको स्वास्थ्य तथा जनसंख्या मन्त्रालयका सहप्रवक्ता डा. समिर कुमार अधिकारीले जानकारी गराएका हुन ।
डा. श्रेष्ठका अनुसार यस्तै गतिमा संक्रमण दर बढ्दै गए दैनिक रुपमा १ सय ५० जना संक्रमितले ज्यान गुमाउनु पर्ने पक्का भएको छ । पछिल्लो चौबीस घण्टामा १० जनाको ज्यान गएको मन्त्रालयले जनाएको छ ।

मन्त्रालयका सहप्रवक्ता डा. अधिकारीका अनुसार १३ हजार ८ सय ८९ जनाको पीसीआर परीक्षण गर्दा ४ हजार ७ सय ७४ मा संक्रमण पुष्टि भएको छ भने ९ सय बढीको एन्टिजेन परीक्षण गर्दा १ सय २३ जनामा गरेर ४८ सय ९७ जनामा कोरोना पुष्टि भएको मन्त्रालयले जनाएको छ। भक्तपुरमा २ सय ३२, ललितपुरमा ३ सय ५१ र काठमाडौंमा १४ सय ६४ गरेर उपत्यकामा २ हजार ४७ जनामा संक्रमण पुष्टि भएको छ ।