210 पटक पढिएको
दयाराम पण्डित– हिमाली गाउँपालिका वडा नं एक बिच्छ्या निवासी धनपति रोकायाका दम्पतिलाई यति वेला छोरा बचाउन सकस भएको छ । छन्यकला रोकाया र धनपति रोकायाका दुुबै सन्तान अपाङ्ग (शाररिक अशक्त) भएपछि दुईटै छोराको ज्यान वचाउन सकस भएको हो ।
पहिलो सन्तान जेनेस रोकायालाई तिनवर्ष अघि टाउकोमा ढोल (ढुँगा लाग्दा गम्भीर घाईते भएका थिए । “जेनेसकी आमा छन्यकला दाउरा लिन बन जाँदा डोको माथि राखिएका जेनेसको टाउकोमा भीरबाट खसेको ढुंगो लाग्यो ।
जेनेस नाम भएको बेहोस बच्चालाई तत्काल उपचार गराउन हामीले काठमाण्डौं जोरपाटी लग्यौं । डेढ महिना सम्म आइसियुमा राखेपछि बच्चाको सामान्य होस त खुल्यो तर हिड्न र बोल्न अहिले पनि सक्दैनन् ।” उनका बुवा धनपतिले भने ।
जेनेसको उपचारमा ११ लाख रुपैंया खर्च भयो । घरको जग्गा जमिन र पाठा बाख्रा सबै बेच्यौं उपचार गरायौं । छोरो अहिले पनि नत बोल्छ न हिड्छ । तिन वर्ष भयो जेठो छोराको हालत यस्तैछ छोरा देखाउँदै धनपतिल भने ।
धनपति दम्पतिबाट दोस्रो सन्तानका रुपमा जेवीको जन्म भयो । जेवीअहिले २० महिनाका भए । उनी पनि न त उठेर बस्न सक्छन् न त सामान्य हिड्डुल गर्न सक्छन् । उनलाई आमाको काख र ओछ्यान छोड्न सक्ने अबस्था छैन ।
छोरा काखमा लिदै बालक जेबीकी आमाले भनिन् यसको टाउको ठुलो छ । खुुट्टा साना छन् । खुुट्टाले थेग्नै सक्दैन लडिहाल्छ । खुुट्टा टेक्न र पाईलो सार्न त परैजावस सामान्य बस्न पनि सक्दैन । बसाल्न खोज्यो टाउकोको भार थेग्न सक्दैन लडिहाल्छ आमा छन्यकलाले भनिन् ।
भए भरको सम्पति पहिलो सन्तानको उपचारमा सकियो । यो दोस्रो सन्तान झन जन्म कै अपाङ्ग भएर आयो । कसरी उपचार गरौं ? आफ्नो आय श्रोतले छोराहरुको उपचार गर्न सम्भब छैन । सहयोग कहिं कतैबाट जुट्दैन । दुुबै छोराको दिनकुरी बस्नुको विकल्प छैन छन्नकलाले दुु:खेसो गरिन् ।उनले भनिन् अब त सन्तान जन्माउन पनि डर लाग्यो । यस पछि पनि यस्तै सन्तान जन्मिने हो की ! “ सन्तान जन्माउने रहर कत्ति छैन उनका पति धनपतिले भने ।”
उमेरले २५ वर्षका कलिला धनपति दम्पतिलाई कलिलो उमेरमा पाएका सन्तान जोगाउन हार गुहार गरेका छन् । हिमाली गाउँपालिकाको बिच्छयाँ पुल र वडा कार्यालयको धनपति दम्पतिको सानो झुपडी छ । चिया बेचेर दिन गुजारा गर्छन् । बिछ्याँ जाने आउने सबैलाई धनपति दम्पतिको सन्तान पिरलो थाह भए पनि कठैबरा भन्दै भर्किन्छन् । उनलाई दिएको सान्तोनाले छोराहरुको स्वास्थ्य उपचारका लागि राहात पुुग्दैन । उपचार खर्च बेहोर्न ति लालावालाको लागि दैव भने अहिले सम्म भेटिएको छैन् ।
प्रतिक्रिया
सम्बन्धित खवर
