90 पटक पढिएको
राम बहादुर दानी/बाजुरा–लगातार आएको तिन दिनको अविरल वर्षासंगै जिल्लाको बुढीगंगामा पर्ने गुइगाडमा आएको बाडीले बुढीगंगा नदी थुनेर ताल पार्दा सो ठाँउका बस्तीहरु जोखिममा परेका छन् ।
बर्षाएदको सुरुवात संग वर्षा आउन थालेपछि विभिन्न ठाउँमा पहिरो गएर स्थानियहरु विस्थापित हुनुका साथी कयौँ धन जनको क्षति भैसकेको छ । जिल्लाका हिमाली बुढीगंगा र बढीमालिकामा आएको वाढी पहिरोका कारण सयौँ बस्तीहरु बिस्थापित भै सकेका छन् ।
शनिबार राति आएको अविरल वर्षाका कारण बुढीगंगा नगरपालिकामा पर्ने गुईगाड खोलामा आएको बाढीले बुढीगंगा नदी थसनिए पछि सो क्षेत्रका स्थानियहरु विस्थापित हुने अवस्थामा रहेका बुढीगंगा नगरपालिकाका कर्मचारी बसन्त थापाले जानकारी दिएका छन् । मुसीको बनमा बर्षेनी बर्षादमा आउने बाढीका कारण गुईगाड खोलामा अत्याधिक रुपमा बाढी आएपछि खोलाले बगाएर ल्याएका ढुङ्गा नदीमा थुपारिएपछि बुढीगंगा नदी नै थुनिदा सो क्षेत्रको आसपासका बस्तीहरु उच्च जोखिममा परेका हन् ।
उनले दिएको जानकारी अनुसार नदी थुनिएर ताप्रीसेरासम्म पुगेकाले खोलिएमा अछामको साँफे बगरका नदी आसपासका क्षेत्र जोखिममा परेको बताए ।
बुढीगंगा नदीको दुइ तिरमा पर्ने त्रिवेणी नगरपालिका र बुढीगंगा नगरपालिकाका नदीको छेउछाउका बस्तीहरु बिगत देखि नदी थुनिए पछि जोखिम मोल्दै आएका छा । यसरी यो बर्ष आएको वाडीले बुढीगंगा नदी थुनिदा सो क्षेत्रका बस्तीहरु अन्यत्र स्थानतरण गर्नु पर्ने देखिएको नगरपालिकाका कर्मचारी थापाले लोकतन्त्र बिहानी न्युजलाई जानकारी दिए ।
खोलामा आएको बाढीले नदी थुनिएकाले जुनसुकै बेला पनि खोलिन सक्ने भएकाले आसपासमा बसोबास गर्ने स्थानीयलाई सुरक्षित ठाउँमा जान आग्रह गरिएको बुढीगंगा नगरपालिकाका नगर प्रमुख दीपक विक्रम शाहले बताएका छन् ।
प्रतिक्रिया
सम्बन्धित खवर
