117 पटक पढिएको
बाजुरा — नेकपा एमाले निकट युवा संघ नेपाल बाजुराले प्रधानन्यायधीश चोलेन्द्रशमशेर राणाको पुत्ला दहन गरेको छ । सर्वोच्च अदालतले प्रतिनिधिसभा विघटन बदर गरी शेरबहादुर देउवालाई प्रधानमन्त्री नियुक्त गर्न परमादेश दिएपछि त्यसकाे प्रतिबाद गर्दै सदरमुकाममा युवा संघले प्रदर्शन गरेको हाे ।
युवा संघ नेपाल बाजुराले मंङगल बार साँझ मार्तडीमा प्रदर्शनी मार्गमा सर्वोच्च अदालतको फैसला विरुद्ध प्रदर्शन गर्दै प्रधान्यायधीशको पुत्ला जलाएका हुन । क्षेत्राधिकारको दुरुपयोग गर्दै संविधानमा व्यवस्था नै नभएको पूर्वाग्रही फैसलाको विरोधमा युवा संघ र अनेरास्ववियुले एकैसाथ नाराबाजी समेत गरेका थिए ।
पूर्वाग्रही सोचका साथ संविधान विपरित क्षेत्राधिकार भित्र नपर्ने फैसला सुनाएर लोकतान्त्रीक र दलिय व्यवस्था माथि नै प्रहार गरेको भन्दै युवा विद्यार्थीहरूले आरोप लगाएका छन् । न्याय मूर्तिको रुप धारण गरेर राजनीति गर्ने पात्रका विरुद्ध आन्दोलन जारी राख्ने खेलकुद माँहासघका सचिव लक्षमंण रोकायाले बताएका छन्र ।
युवा विद्यार्थीले कार्यकर्ताले ‘चोलेन्द्र शमशेर राणा मुर्दावाद, चोलेन्द्र चोर, नेपाल छोड, भारतीय दलाल प्रचण्ड मुर्दावाद जस्ता नारा लगाएर पुत्ला दहन गरेका थिए। युवा विद्यार्थीले ओलीका लागि ज्यान दिन र लिन तयार रहेको भन्दै । प्रधानन्यायधिसका विरुद्धमा चर्काे नारा लगाएका थिए ।
राणाको पुत्ला जलाउने देखि विरोध र प्रतिवादसम्मका आन्दोलनका कार्यक्रम निरन्तर जारी राख्ने युवा संघले जनाएकाे छ । लोकतान्त्रिक चोकमा पुत्ला दहन गरी नाच गान समेत गरिएकाे युवा सघका सहसंयोजक गणेश बोहोराले बताएका छन ।
प्रतिक्रिया
सम्बन्धित खवर
