218 पटक पढिएको
बाजुरा: आफ्नै छोरीलाई बलत्कार गर्ने बुवालाई जिल्ला अदालत बाजुराले जन्मकैदको फैसला गरेको छ । आफ्नै छोरीलाई बलत्कार गर्ने बुढिगंगा नगरपालिकाका ६७ बर्षिय एक पुरुषलाई जिल्ला अदालत बाजुराले जन्मकैद जबरजस्तिकरण र हाडनाता करणी मुद्धा अन्तर्गत जन्मकैद फैसला गरेको बाजुरा जिल्ला अदालतले बताएको हो ।
१४ बर्षिय छोरीलाई जबरजस्ति करणी र हाडनाता करणी गरेको भन्दै मुलुकी अपराध संहिता २०७४ को दफा २१९ (१) र २१९ (२) बमोजिम जन्मकैद अर्थात २५ बर्ष कदै र ५० हजार नगद जरिवान तोकी बाजुरा जिल्ला अदालतले साउन ३१ गते सो फैसला गरेको न्यायधिशद्धय माधव प्रसाद घिमिरेले बताए । जिल्ला अदालत बाजुरामा २०७७ साउन २२ गते जबरजस्ति करणी र हाडनाता करणी अन्र्तगत मुद्दा दर्ता भएको थियो । बुवाले छोरीलाई बलात्कार पछि गर्भ रहेको खुलसा भएपछि घटना बाहिर आएको हो ।
जब १४ बर्षिय छोरीको पेटमा बच्चा जन्मेको थाहा पाएपछि बुवाद्धारा बलत्कार भएको पनि बाहिर आएको जिल्ला प्रहरी कार्यलय बाजुराले जनाएको थियो । कक्षा ६ मा पढ्दै गरेकी उक्त बालिकाले महिनावारी हुन लागेको १ बर्ष भएको थियो । पिडित बालिकाले भनेकि थिईन् आमा गाईभैसी लिएर छानामा बस्ने गरेकी थिइन्, घरमा कोही नभएको बेला आफु माथि करणी गरेको बताईन् ।
पिडित बालिकाले आफुलाई समस्या रक्तस्राव भएपनि अरु कसैलाई भनेपछि आफुलाई मार्छु भनेपछि कसैलाई भन्न नसकेको ति बालिकाले बताएकी थिइन् । १ हप्ता सम्म घर भन्दा बाहिर जान दिएन्, करणीको बेला पनि मुख छोपेको ति बालिका न्यायका लागि मार्तडी पुगेको बेला बताएकि थिइन् । बुवालाई आफुलाइ समस्या भएको वान्ता आएको भन्दा ठिक भइहाल्छ कसैलाई नभन्नु भनेको तिनले बताएकि थिइन् ।
ति बालिका स्थानिय स्वास्थ्य चौकीमा पेट दुखेको भनेर चेकँजाचमा पुगेकी थिईन् । त्यहाँ स्वास्थ्यकर्मीले पेटमा बच्चा रहेको भनेपछि घटना बाहिर आएको हो । ति बालिकाको पेटमा रहेको बच्चा भने हाल गर्भपतन गराइसकेको पारिवारिक स्रोतले बताएको छ ।
