115 पटक पढिएको
काठमाडौं: प्रधानमन्त्री शेरबहादुर देउवाले आइतवार संसदमा विश्वासको मत लिँदैछन् । प्रतिनिधिसभाको आइतबारको दोस्रो बैठकमा देउवाले विश्वासको मत मागेका हुन् ।
कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले सङ्घीय संसद् सचिवालयमा प्रधानमन्त्री देउवाले सदनबाट विश्वासको मत लिनेसम्बन्धी प्रस्ताव दर्ता गराएका थिए । देउवाले बैठकमा सम्बोधन गर्दै विश्वासको मत मागेका छन् ।
असार २८ गते सर्वोच्च अदालतले प्रतिनिधिसभा पुन:स्थापनासँगै देउवालाई प्रधानमन्त्रीमा नियुक्त गर्न परमादेश दिएको थियो । सोही अनुसार असार २९ गते राष्ट्रपति विद्यादेवी भण्डारीले देउवालाई प्रधानमन्त्री नियुक्त गरेकी हुन् ।
प्रधानमन्त्री नियुक्त भएको एक महिनाभित्र विश्वासको मत लिनुपर्ने संवैधानिक प्रावधान अनुसार कांग्रेसका सभापति देउवाले विश्वासको मत लिन लागेका हुन् ।
दोस्रो पटक संसद् पुनर्स्थापनापछि प्रतिनिधिसभाको बैठक बसेको हो । पहिलो बैठकले शोक प्रस्ताव पारित गर्नेछ । दोस्रो बैठकमा देउवाले विश्वासको मत लिन लागेका हुन् ।
२ सय ७५ सदस्यीय प्रतिनिधिसभामा चार रिक्त रहेकोले हाल २७१ सदस्य कायम छन्। यो अंकगणितअनुसार नयाँ सरकारका लागि १ सय ३६ सांसदको समर्थन चाहिन्छ। अहिले संसदमा एमालेका १२१, कांग्रेसका ६१, माओवादी केन्द्रका ४८ र जसपाका ३४ (२ निलम्बित) छन्। तीनजना स्वतन्त्र हैसियतमा छन्।
देउवालाई एमाले वरिष्ठ नेता माधवकुमार नेपाल समूहसँगै माओवादी केन्द्र, जसपा र स्वतन्त्र सांसदले साथ दिने देखिएको छ । एमालेको नेपाल समूह र जसपाले मत दिए देउवाले विश्वासको मत पाउने छन् ।
संसदमा बिश्वासकाे मत लिदै प्रधानमन्त्री देउवा (भिडियाे सहित)
