बाजुरा— प्रधानमन्त्री शेर बहादुर देउवाले संसदमा बहुमतमा बिश्वासको मत लिए पछि आइतबार साँझ सरमुकाम मार्तडीको लोकतान्त्रिक चोकमा युवा संघ नेपाल र अनेरास्वभ्यु बाजुराले माधब नेपालको पुत्ला दहन गरेका छन् ।

आइतबार संसदमा बिश्वासको मत दिनमा माधब नेपाल पक्षले सहमति दिएको भन्द माधब चोर देश छोड जस्ता नारा सहित नेपालको पुत्ला दहन गरेका हुन । युवा संघ नेपाल र अनेरास्वभ्युका युवाहरुले लोकतान्त्रिक चोकमा नारा वाजी गर्दै आज हैन भोली लाई साथ दश बर्ष ओलीलाई जस्ता नाराहरु लगाएका थिए ।
एमालेका नेपाल र खनाल पक्षका संसदले ससदमा बिश्वासको मत दिएको भन्दै नेपालको पुत्ला दहन गरेका हुन । ओली पक्षका युवाहरुले माधब नेपाललाई गाली गलौज गदै लोकतान्त्रिक चोकमा बिरोध प्रदर्शन गरेका हुन ।

आइतवार साँझ विश्वासको मत लिन देउवालाई १ सय ३६ मत आवश्यक पथ्र्यो । प्रतिनिधिसभामा कांग्रेसको ६१, माओवादी केन्द्रको ४८ (सभामुख बाहेक), एमालेको १२१ (माधव नेपाल पक्ष–२३ ), जसपा ३२ (उपेन्द्र यादव पक्ष–२०) तथा जनमोर्चा, नेमकिपा र राप्रपाको एक–एक मत छ । कांग्रेस, माओवादी केन्द्र र जसपा र राष्ट्रिय जनमोर्चाको गरी १४२ मत हुन जान्छ । तर नेकपा एमाले माधब पक्षको मत बिना नै प्रधानमन्त्री देउवाले बहुमतमा बिश्वासको मत लिइ सकेका थिए ।