104 पटक पढिएको
काठमाडौं : नेपाली कांग्रेसको पदाधिकारी र पूर्वपदाधिकारीको बैठक आजपनि बस्दै छ । बर्तमान प्रधानमन्त्री एबम नेपाली काँग्रेसका सभापति शेरबहादुर देउवाले बिहीबार दिउँसो २ बजे पार्टी बुढानीलकण्ठमा बैठक बोलाएका हुन् । बैठकमा आगामी १४ औं महाधिवेशनको विषयमा छलफल हुनेछ ।
बुधबारको बैठकले पार्टीको क्रियाशील सदस्यता विवरणमा नमिलेका विषयमा सहमति कायम गर्न क्रियाशील सदस्यता छानबिन समितिलाई एक दिनको समय थप गरेको थियो ।
समितिले बुधबार मात्रै पार्टी पदाधिकारी र पूर्वपदाधिकारी बैठकमा क्रियाशील सदस्यता विवरणसम्बन्धी प्रतिवेदन बुझाएको थियो । विसं २०७७ फागुन ६ गते कांग्रेस केन्द्रीय कार्यसमिति बैठकले आसन्न १४ औँ महाधिवेशनको प्रयोजनका लागि देशभरका सम्पूर्ण क्रियाशील सदस्यको नामावलीको विवरणलाई अद्यावधिक गरी अन्तिम नामावली तयार गर्न समिति गठन गरेको थियो ।
पार्टीका केन्द्रीय सदस्य रमेश लेखकको संयोजकत्वमा गठित समितिमा केन्द्रीय सदस्य आनन्द ढुङ्गाना, प्रदीप पौडेल, जीवन परियार, कल्याण गुरुङ, श्यामकुमार घिमिरे र योगेन्द्र चौधरी सदस्य छन् । कांग्रेसमा १४ औँ महाधिवेशनका लागि पार्टीको क्रियाशील सदस्यता सङ्गख्या आठ लाख ५२ हजार ७ सय ११ पुगेको छ ।
बारा र सप्तरी जिल्ला कार्यसमितिको क्रियाशील सदस्यता विवरण ढिला विवरण प्राप्त भएकाले पूरै बाँकी रहेको र पार्टीको समायोजनका कारण सिन्धुपाल्चोक, रसुवा, काभ्रेपलाञ्चोक, धनुषा, सर्लाही, कैलालीका केही क्षेत्रको क्रियाशील सदस्यता विवाद टुंगिन बाँकी रहेको समितिले जनाएको छ । कांग्रेसले पार्टीको १४ औँ महाधिवेशन आगामी भदौ १६ देखि १९ गतेसम्म काठमाडौँमा गर्ने कार्यतालिका तय गरेको छ । तर क्रियाशील सदस्यताको विवादका कारण भदौ १६ मा महाधिवेशन नहुने निश्चित भइसको छ ।
प्रतिक्रिया
सम्बन्धित खवर
