192 पटक पढिएको
धन बहादुर बाेहरा/बाजुरा- बाजुरा जिल्लाको उत्तर पुर्वी क्षेत्रमा रहुन भएका प्रमुख जिल्ला अधिकारी र पत्रकारहरु बिच अन्तक्रिया कार्यक्रम सम्पन्न भएको छ ।
यश क्षेत्रको बाढी पहिरो प्रभावितको अबस्था लगाएत विभिन्न ठाउँको अनुगमनका क्रममा रहनु भएका प्रमुख जिल्ला अधिकारी गोपाल कुमार अधिकारीले यहाँका चार वटा स्थानीय तहका प्रमुख संग पनि अन्तक्रिया गरि तत्कालिन समस्याको समाधानका बारेमा छलफल भएको पत्रकारहरुलाई जानकारी दिनु भएको छ ।
हाल विशेष गरि बाजुराका बाढी पहिरो पिडीतका लागि घर निर्माणका लागि संघ सरकारबाट प्राप्त भएको अबस्थालाई अनुगमन गर्न यस क्षेत्रमा आईपुगेको प्रमुख जिल्ला अधिकारीले बताउनु भयो ।
गत बर्षको पहिरो प्रभावित भई घर निर्माण लागि २४ घरपरिवारले अहिले सम्म कुनै घर निर्माण नगरेको पाईएको र गत बर्ष जिल्ला भरि २३२ जनाको नाम सुचिकृत भई घर निमार्णका लागि प्रति ब्यक्ति पाँच लाख रकम प्राप्त भएको भए पनि अहिले सम्म घर बनाउने काम नभएको अबस्था देखिएको प्रमुख जिल्ला अधिकारीले पत्रकारलाई बताउनु भएको छ ।
यस बर्ष स्थायी घर बनाउनका लागि १५१ जनाका लागि पैसा प्राप्त भएको भए पनि घर बनाउने काम भने नभएको प्रमुख जिल्ला अधिकारी गोपाल कुमार अधिकारीले बताउनु भयो ।
कोल्टी क्षेत्रको खाद्यान्नको अबस्था विद्युत टेलिफोन र बजार ब्यबस्थापन अनुगमनका बिषयमा सरकारवाला निकाय सँग छलफल गरिएको बताईएको छ ।
पत्रकारहरुले टेलिफोन इन्टरनेटको समस्याको समाधानका लागि विशेष पहल गरिदिन हुन प्रमुख जिल्ला अधिकारीलाई पत्रकार आग्रह गर्नु भएका छन ।
नेपाल पत्रकार महासंघ बाजुरा शाखाका अध्यक्ष छक्क मल्ल नेपाल पत्रकार महासंघ बाजुरा शाखाका बरिस्ठ उपाध्यक्ष पदम सिह नेपाल महासंघ बाजुरा शाखाका कोषाध्यक्ष नहकुल जोशी, रेडियो बुढिनन्दाका प्रबन्ध अलिन शाही, मालिका टुडेका निर्वाचन क्षेत्र क का ब्युरो प्रमुख धन बहादुर बोहरा, र रेडियो शिम्भुनाथका समाचार प्रमुख रुकुम योगी लगाएतका पत्रकारको उपस्थित रहेको थियो ।
