154 पटक पढिएको
मिन बहादुर खड्का/बाजुरा: शुक्रबार जिल्लाको बडीमालिका नगरपालिकाको तालिम हलमा त्रिवेणी नगरपालिकाका जनप्रतिनिधि महिला र सम्भावित महिलाहरूका लागि दिइएको ३ दिने तालिम सम्पन्न भएको छ ।
जनप्रतिनिधि महिला र सम्भावित महिलाहरुका लागि नेतृत्व क्षमता विकास सम्बन्धि ३ दिने तालिम बडिमालिका नगरपालिकाको तालिम हलमा शुक्रबार एक औपचारिक कार्यक्रमका बिच नेपाली कांग्रेसका महिला अभिनेत्री तथा महिला विकास मंच संयोजक जुना दानीको अध्यक्षतामा सम्पन्न भएको हो ।
बुधबार देखी टेवा नेपाल र महिला बिकास मंच बाजुराको आयोजनामा र Womenkind Uk को आर्थिक सहयोगमा बडिमालिका नगरपालिकाको तालिम हलमा सुरु भएको तालिम नेपालका सिमान्तकृत महिलाहरुको आवाज तथा सहभागीता कार्यक्रम अन्तर्गत त्रिवेणी नगरपालीकाका १९ जना जनप्रतिनिधि महिला र ९ जना सम्भावित महिलाहरुलाई दिइएको थियो ।
नेतृत्व क्षमता विकास सम्बन्धि ३ दिनसम्म दिइएको तालिमबाट नेता र नेतृत्व,नेतामा हुनुपर्ने असल गुण,काम कर्तव्य,जिम्मेवारी,जनवकालत,संविधान,स्थानिय तह,स्थानिय तहका प्रमुख,उपप्रमुख,वडा अध्यक्ष,वडा सदस्य,योजना तर्जुमा,लै.स.सा.,समानता र समता,लैङ्गिक बजेट र भाषण कला जस्ता धेरैजसा थप कुरा जान्ने अवसर मिलेको त्रिवेणी नगरपालिकाका उपप्रमुख राधिका सुनार लगायत अन्य जनप्रतिनिधि महिला र सम्भावित महिलाहरुले बताइन । साथै सिकेका कुराहरूलाई सबैले ब्यवहारमा लागू गर्नु पर्नेमा पनि जोड दिएकी छन ।
कार्यक्रममा बोल्दै नेपाली कांग्रेसकी महिला नेत्री एवम् महिला विकास मंच संयोजक जुना दानीले सो तालिमले जनप्रतिनिधि महिला र सम्भावित महिलाहरुका लागी दिइएको तालिमले महिला जनप्रतिनिधिमा नेतृत्व क्षमताको बिकासमा थप सहयोग पुग्ने बिश्वास गरेकी हुन । नेता र नेतृत्व,नेतामा हुनुपर्ने असल गुण,काम कर्तव्य,जिम्मेवारी,जनवकालत र भाषण कलाको बारेमा थुप्रै कुरा जानीसकेको होला भन्ने अपेक्षा गरेको उनले बताइन ।
महिला अभिनेत्री एवम महिला बिकास मंच संयोजक जुना दानीको अध्यक्षता सम्पन्न भएको कार्यक्रममा उद्घोषक महिला विकास मंच कार्यकारी निर्देशक उजा बिष्टले गर्नु भएको थियो भने सोही कार्यक्रमको प्रमुख अतिथि त्रिवेणी नगरपालिकाका उपप्रमुख राधिका सुनार, विशिष्ट अतिथि महिला बिकास मंच कार्यसमिति सचिव सुभद्रा पाण्डे,अतिथि महिला विकास मंचका लेखापाल लक्ष्मीराज जोशी,बाजुरा शाखा पत्रकार महासंघ सचिव नन्दा थापा,प्रशिक्षण तुलाराम जोशी, प्याभ कार्यक्रम सामाजिक परिचालक दुर्गा कुमारी खाती,प्रकाश बहादुर कार्की,विक्रम साउद लगायत त्रिवेणी नगरपालिका वडा नं.१ देखि वडा नं.९ सम्मका जनप्रतिनिधि महिला र सम्भावित महिलाहरुको उपस्तिथि रहेको टेवा नेपाल र महिला विकास मंच प्याभ कार्यक्रमका सामाजिक परिचालक विक्रम साउदले लोकतन्त्र बिहानी न्युजलाई जानकारी दिए ।
प्रतिक्रिया
सम्बन्धित खवर
