109 पटक पढिएको
बाजुरा– जिल्लाको जगन्नाथ गाउँपालिकामा फलेका नास्पाती बारी मै कुहिएको छन । बाटो र बजार समस्याका कारण नास्पाती बारी मै कुहीएको अवस्था छ । करिब १ सय क्विन्टल बढी नास्पाती बारीमै कुहीएको कृषि ज्ञान केन्द्रका सूचना अधिकारी मिनप्रसाद जैशीले बताएका छन् ।
कृषि ज्ञान केन्द्रले विगत केही वर्ष देखि जंगली मेललाई नास्पातीको रुपमा विकास गर्ने अभियान नै चलाएको छ । हजारौ बोट मेललाई नास्पाती बनाउने कार्य सफल भएपनि फलेको र उत्पादन गरिएको नास्पाती बजार नपुग्दै बारीमै कुहिए पछि किसानहरु चिन्तित बनेका छन् ।
किसानलाई स्थानिय उत्पादनमा आत्मनिर्भर बनाउने अभियान सफलता तर्फ गइरहँदा बाटो र बजारकै कारण समस्या हुने गरेको ज्ञान केन्द्रले बताएको छ । बाटो अभावकै कारण स्वामिकार्तिक खापर गाउँपालिकाको प्याज बारीमै थन्कीएपछि अनुदानमा मार्तडीसम्म ढुवानी गरिएको छ ।
कोर्धको आलु र अन्य स्थानीय उत्पादन बाटो समस्या र बजारकै अभावमा बारीमै कुहिने र किसानलाई मर्का पर्ने काम भइरहेको छ । जगन्नाथ गाउँपालिकाको गोत्रीमा १ सय क्वीन्टल स्याउन बजार नपाएर बारीमै कुहिएको अवस्थामा छन् ।
बजार खोजीका लागि किसानले आग्रह गरेपनि अझै भेटिएको छैन् । ठूलो मात्रा रहेका नास्पाती कुनै जुस उत्पादन कम्पनी ठूलो व्यापार गर्ने व्यापारी र फर्मले किनिदिन ज्ञान केन्द्रकै तर्फबाट अपिल गरिएको छ ।
रसिलो र खानमा निकै मिठो, पुर्णतया अर्गानिक, किलोमा ४–६ दाना जाने, जुस र वाईनका लागि उपयोगी हुने नास्पातीको बिशेषता रहेको छ भने फार्मगेट मूल्य प्रति के जि १५ हुने बताईएको छ । ज्ञान केन्द्रको अभियानले सार्थकता पाए अर्को वर्ष झनै बढी उत्पादन हुने अनुमान गरिएको छ ।
स्रोत–रेडियो बाजुराबाट साभार
प्रतिक्रिया
सम्बन्धित खवर
