बाजुरा:  बाजुरा जिल्लाबाट निर्वाचित संघीय सांसद लालबहादुर थापाको सांसद विकास कोषबाट बुढिगंगा नगरपालिका १० सिगाडा माविमा घेरबार निर्माणका लागि विनियोजन भएको १० लाख रकमबाट ५० हजार लिएको खुलासा भएको छ ।

बुढीगंगा नगरपालिका वडा नं. १० स्थित सिगाडा मावि व्यवस्थापन समिति अध्यक्ष दलबहादुर साँउदले आफ्नो डेभिड क्षेत्री नामक सामाजिक सञ्जालमार्फत ५० हजार रकम लिएको खुलासा गरैका छन ।  बुढिगंगा  नगरपालिका वडा नं. १० सिगाडा माविमा आर्थिक वर्ष २०७६।०७७ मा विद्यालयको घेरबार निर्माणका लागि विनियोजन भएको रु १० लाखबाट नगद ५० हजार एक विचौलियाबाट लिएको अध्यक्ष साँउदले सामाजिक सञ्जाल मार्फत खुलासा गरेका छन् ।

विद्यालयमा योजना हाल्नमा आफ्नो रकम खर्च भएको भन्दै स्थानीय पदम बहादुर साउदले ५० हजार रकम लिएको विद्यालय व्यवस्थापन समितिका अध्यक्षले सामाजिक सञ्जाल फेसबुकमार्फत उल्लेख गरेका छन् । योजना हाल्नमा आफ्नो ६० हजार लगानी खर्च भएको भन्दै ५० हजार लिएको उहाँले जनाएका छन् ।
सोही वडाका वडाध्यक्ष अध्यक्ष धर्मराज जैशीलाई नागरिक रैबारले सो सम्बन्धमा कुरा बुझ्दा भने पदम साउदले ५० हजार लिएको सुनिनसम्म त आएको हो तर, विव्यस अध्यक्ष र पदमको केही लिन दिन छ कि केही होला भन्ने सोचेको हो । पहिला अध्यक्षसित स्कूलबाट ऋण लिएको भन्ने थियो रे पछि फेर्ता गर्ने बेला योजना ल्याउँदा आफ्नो खर्च भएको भन्दै रकम फेर्ता नगरेका रैछन उनले भने ।
नागरिक रैबारबाट साभार