112 पटक पढिएको
मिन बहादुर खड्का/बाजुरा– जिल्लाको त्रिबेणी नगरपालिका वडा न .८ मा अवस्थित प्रसिद्ध बडीमालिका मन्दिरमा प्रत्येक बर्ष श्रावण शुक्ल पुणिमाको दिन पुजा लाग्ने गर्दछ । यस बर्ष कोभिड १९ को जोखिमका कारण पुजा आजा गर्न पाइने तर भिडभाड गरेर उत्सव नबनाउन सम्पुर्ण तिर्थालु भक्तजनहरुलाई जिल्ला प्रशासन कार्यालय बाजुराले अनुरो गरेको छ ।
जिल्लाको मुटुमै रहेको प्रसिद्ध बडीमालिका मन्दिरको आसपासको सौन्दर्यताले दर्सन गर्न आउने भक्तालुजनहरको मन लोभ्याउने गरेको छ । प्रत्येक बर्ष श्रावण शुक्ल पुणिमाका दिन लाग्ने मेलामा पुजा आजा गर्नका लागि डोटी ,कालिकोट ,जुम्ला ,अछाम ,मुगु ,लागयतका जिल्लाहरुबाट भक्तालु आउने गर्दछन । बडीमालिकाको सौन्दर्यतालाई हेर्न र बडीमालिका माताको दर्शन गर्नका लागि बर्षेनी तिर्थालु भक्तजनहरु आउने गर्छन ।
प्राकृतिक सौन्दर्यताले आफैंमा अलौकिक मानिने बडीमालिका मन्दिरमा बर्षेनी हजारौं तिर्थालु भक्तजनहरु पुजा आजा गर्न आउने गर्दछन । बडीमालिका मन्दिरमा पुगेर बडीमालिका माताको दर्शन गर्न बर्षेनी हजारौं श्रद्धालु भक्तजनहरु देश बिदेशबाट आउने गर्दछन । बडीमालिका माताको दर्शन गर्यो भन्ने मनले चिताएको पुग्छ । यस क्षत्रको धार्मिक पुरातात्विक बिश्वास रहने भएकोले यस ठाउँमा श्रद्धालु भक्तजनहरु लामो यात्रा गरेर यस क्षेत्रमा पुग्ने गर्दछन । केहि बर्ष यता कारोना महामारीका कारण तिर्थालु भक्तजनहरुलाई पुजा आजा गर्न कठिनाई परेको छ ।
देशका विभिन्न जिल्लामा पछिल्लो समयमा कोरोनाको तेस्रो लहर फैलिदै जादा ं जिल्लामा पनि भिडभाडका गतिविधि बड्यो भने संक्रमण बढ्न सक्ने कुरालाई ध्यानमा राखी मंगलवार मेला ब्यवस्थापन नियमन सम्बन्धमा बसेको जिल्ला सुरक्षा समिति बाजुराको बैठकले यो बर्ष बडीमालिका मन्दिरमा अनिवार्य नित्य पुजा बाहेक सर्बसाधारणलाई भेला हुने गरि मेला,पर्व पुजा आजा आयोजना नगर्ने निर्णय गरेका जिल्ला प्रशासन कार्यालय बाजुराले जनाएको छ ।
मंगलवार बसेको जिल्ला प्रशासन कार्यालय बाजुरालको बैठकले सो सुचना सम्बन्धित जिल्लाका सर्बसाधारण सबैलाई भिडभाड नगरिदिनहुन अनुरोध गर्दै डोटी, कालिकोट, जुम्ला,अछाम र मुगुका प्रमुख जिल्ला अधिकारी मार्फत जिल्ला प्रशासन कार्यालयलाई निवेदन गरेको छ ।
प्रतिक्रिया
सम्बन्धित खवर
