162 पटक पढिएको
धनगढी– निषेधाज्ञामा भारतबाट फर्किएका यात्रुहरूबाट यातायात व्यवसायीहरूले चर्को भाडा असुलिरहेका छन्।
जारी निषेधाज्ञा अवधिभरमा यात्रुहरूबाट निर्धारित भाडाभन्दा ५० प्रतिशत बढी भाडा लिन पाउने सर्त भएपनि यातायात व्यावसायीहरूले मनोमानी रूपमा भाडा असुलिरहेको पाइएको हो । यातायात व्यावसायीहरूले ढाड सेक्ने गरी भाडा असुलिरहेकोे यात्रुहरूले गुनासो गरेका छन् ।
निषेधाज्ञाभन्दा पहिला धनगढीबाट टिकापुरसम्मको भाडा २ सय ३० थियो। त्यसमा ५० प्रतिशत मुल्य थप गरिएपछि ३ सय ४५ हुन जान्छ, तर यातायात व्यवसायीहरूले १ हजारसम्म भाडा असुल्ने गरेको यात्रुहरूले गुनासो गरेका हुन् ।
