111 पटक पढिएको
बाजुरा– नेपाली काँग्रेस जिल्ला कार्य समिति पुर्व सदस्य स्व. विनोद गिरीको सम्झनामा नेपाली काँग्रेस बाजुराले पार्टीको झण्डा ३ दिन सम्म झुकाउने निर्णय गरेको छ । एकाएक हृदयघातका कारण शुक्रबार बिहान निधन भएका स्व.गिरीको सम्झनामा पार्टीले ३ दिन झण्डा झुकाउने भएको छ ।
एकाएक हृदयघात भए पछि स्व गीरीलाई शुक्रबार कोल्टी प्राथमिक स्वास्थ्य केन्द्रमा उपचारका गर्दा गर्दै निधन भएको आफन्तले बताएका छन् । मृतक गीरीको निधन प्रति गहिरो दुख ब्यक्त गर्दै नेपाली काँग्रेस जिल्ला कार्य समिति बाजुराले तिन दिन सम्म पाटीको झण्डा झुकाउने भएको छ । नेपाली काँग्रेस जिल्ला कार्य समिति पुर्व सदस्य स्व. विनोद गिरीको सम्झनामा जिल्ला सदरमुकाम मार्तडीको लोकतान्त्रिक चोक र कोल्टी बजारमा पनि शोक पुस्तिका राखिने भएको छ ।
शुक्रबार बिहान निधन भएका स्व.गिरीको शनिबार मात्रै अन्तिम दाह–संस्कार गरिने भएको आफन्तले बताएका छन् ।
काँग्रेस बाजुराका अनुसार स्व.गिरीको तह्रौँ दिने पुण्य तिथिमा पनि उनको सम्झनामा कोल्टी बजारमा पार्टीले श्रद्धाञ्जली सभा आयोजना गर्ने भएको जानकारी नेपाली काँग्रेस पार्टी सचिव टेक बहादुर रोकायाले लोकतन्त्र बिहानी न्युजलाई जानकारी दिए ।
