121 पटक पढिएको
धनगढी : कैलालीमा घरको छतबाट खसेर एक महिलाको मृत्यु भएको छ । जिल्लाको गोदावरी नगरपालिका वडा नम्बर १ अत्तरियाको वनखेतमा घरको छतबाट खसेर महिला मजदुरको मृत्यु भएको हो ।
स्थानीय गीता बिष्टको निर्माणाधिन घरमा काम गरिरहेकी गोदावरी नगरपालिका वडा नम्बर ६ लालपुरकी ३७ वर्षीया बसन्तीदेवी जैसीको छटबाट खसेर मृत्यु भएको हो । छतबाट खसेर गम्भीर घाइते भएकी जैसीलाई पद्मा अस्पतालमा लगिएको थियो ।
त्यहाँ उपचार हुन नसकेपछि सेती प्रादेशिक अस्पताल धनगढीमा ल्याइएको थियो र उपचारका क्रममा सोही अस्पतालमा मृत्यु भएको इलाका प्रहरी कार्यालय मालाखेतीले जनाएको छ ।
