112 पटक पढिएको
बाजुरा– जिल्लाको पुर्वी उत्तरी क्षेत्रमा पर्ने जगन्नाथ गााँउपालिका र स्वामिकार्तिक खापर गाँउपालिकाको विचमा लगातार आएको पहिरोले कर्णली नदी थुनिएर ठुलो क्षति हुन सक्ने सम्भावना रहेको छ ।
जगन्नाथ गाउँपालिकाको केन्द्र जुड्डीको पारी पट्टि स्वामीकार्तिक खापार गाउँपालिका वडा नं १ मा पर्ने छुद्ररी गाँउ नजिकैको भिर फुटेर कर्णाली नदीमा ढुगां, माटो जम्मा भएर कर्णाली नदी थुनिने सम्भावना देखिएको छ । बिगत दुइ महिना अगाडी नै सामान्य रुपमा खसिरहेको पहिरो शनिवार देखी ठुलो बेगका साथ आइरहेको त्यस क्षेत्रका स्थानिय स्वामिकार्तिक खापर गाँउपालिका वडा नंं २ का नेकपा एमाले वडा कमिटी अध्यक्ष इन्द्रराज बुढाले लोकतन्त्र बिहानी न्यूजलाई जानकारी दिए ।
छुद्वरी बाट जुड्डी तिर पर्ने उक्त भिडमा २ दिन देखि लगातार पहिरो आउनेक्रम जारी रहेको छ । पहिरोका कारण जुड्डी आसपासका क्षेत्रमा जोखिम बढेकोछ । स्वामिकार्तिक खापर गाँउपालिका वडा नंं २ छुद्वरी गाँउबाट करिव ५० मिटर जुड्डी तर्फको भिड फुटेर पहिरो लगातार आउन थाले पछि त्यस क्षेत्रका स्थानियहरुलाइ आवत जावतमा बाधा पुगेको छ ।
आइतबार बिहान देखि लगातार पहिरो खसिरहेको हुदा उक्त ठाँउमा कर्णली नदी थुनिन सक्ने र आसपासका क्षेत्रहरु डुवानमा पर्नुका साथै कर्णली नदीले कटान गर्न सक्ने सम्भावना रहेको त्यस क्षेत्रका स्थानियहरु बताउछन । पहिरो भन्दा माथी रहेको रुडी गाँउलाइ क्षति पुर्याउने सम्भावना रहेको छ । सो पहिरो लगातार रुपमा भिरालो ठाँउबाट आइ रहेको हुँदा कर्णली नदी थुनियो भने छुद्वरी गाँउलाई कर्णाली नदीले कटान गरेर बगाउन सक्ने सम्भावना रहेको निज बुढाले बताएका छन ।
उक्त पहिरोले यता जगन्नाथ गाँउपालिकाको भवनलाई पनि कर्णली नदीले कटान गरेर गाँउपालिकाका भवनहरुमा क्षति हुन सक्ने सम्भावना रहेको छ । सो पहिरो बगि रहेको ठाँउ माथी तिर रहेको स्वामिकार्तिक खापर गाँउपालिका वडा नं. १ मा रहेको रुडी गाँउ पुरै पहिरोको उच्च जोखिममा रहेको छ । यदि सो ठाँउका स्थानियहरुलाई अन्यत्र स्थानतरण गर्न नसकिए ठुलो मानविय क्षति हुन सक्ने सम्भावना रहेको बुढाले बताए ।
यसरी लगातार ढुंगा, माटो बगाएर कर्णली नदी थुनिने प्रवल सम्भावना रहेकोले त्यस क्षत्रमा प्रशासनको ध्याँन जानु पर्ने देखिन्छ ।
प्रतिक्रिया
सम्बन्धित खवर
