बाजुरा — नेपाली कांग्रेसको केन्द्रिय कार्य समितिको साउन २३ गतेको बैठकबाट पाटिको केन्द्रिय महाधिवेशनको मिति परिमार्जित गरि नयाँ मिति सार्वजनिक गरिएको छ । केन्द्रिय कार्यसमिति बैठक अनुसार क्रियाशिल सदस्यता सम्बन्धि देखिएका विवादलाई भदौ २ गते भित्र टुंगो लगाएर भदौ १८ बाट वडा अधिबेशन हुँदै मंसिर ९–२३ गते सम्म केन्द्रिय महाधिवेशन गर्ने कार्यतालिका सार्बजनिक भएको छ ।

कांग्रेसको महाधिवेशन सुरु हुँदै गर्दा जिल्लामा चहलपहल हुनु स्वभाबिक नै मान्नु पर्छ । तर केही समय यता बाजुरा जिल्लामा भने कार्यकर्ता तह बाट विवाद सुरु भएर केन्द्रिय नेता सम्म नै पुगेको छ । त्यस बारे जिल्लामा नेतृत्व गर्ने भातृ संघहरुले सयुक्त बिज्ञेप्ति निकालिए पनि कार्यकर्तामा त्यो बिबाद कायमै छ ।
आइतबार नेपाल विद्यार्थी संघ बाजुराका प्रभाबसाली युवा नेता रुगम रावलले पनि सामाजिक संजाल फेसबुक मार्फत सो बिषयमा टिप्पणी गरेका छन । कांग्रेस प्रजातन्त्र हुँदै लोकतन्त्रको ओकालत गर्ने पाटी भएकाले सबै जना मिलेर अगाडि बढ्नु पर्ने नेता रावलको भनाई रहेको छ । सबै जना मिलेर अगाडि बढ्न सकेमा मात्र जिल्लाको बिकासमा थप टेवा पुग्ने नेता रावलले नेतृत्वलाई सुझाब समेत दिएका छन ।

द्वन्द्वकालमा माओवादी र राजाको कडा शासनको बेला पनि असुरक्षित नबनेको नेपाली कांग्रेसको चारतारे झण्डा र बिधान अहिले आएर जलेको भन्दै यस बारे नेतृत्वले जवाफ दिनुपर्ने माग नेता रावलको रहेको छ ।
कांग्रेसमा झ्यालबाट छिरेर धुरी चड्ने अधिकार कसैलाई नभएको बताउदै नेता रावलले कसैले यस्तो कार्य गर्न नहुने बताएका छन । यसले हामी जस्ता युवाको राजनीतिक जोशलाइ निराशामा परिणत गर्छ । त्यसैले विवेक प्रयोग गरौ , आफू परिपक्क बनौ र तोकिएकै समयमा महाधिवेशन गर्न नेतृत्वलाई दबाब दिउ , यसमै कांग्रेस पाटी र हाम्रो अस्तित्व छ । पाटी अस्तित्व नै नरहे हामी कस्को लागि विवाद गर्दै छौ उनले भने ।