98 पटक पढिएको
मिन बहादुर खड्का/बाजुरा–जिल्लाको खप्तड छेडेदह गाँउपालिका ४ मा रहेको गुइवन गाँउका २५ घर परिवार पहिरोको उच्च जोखिममा रहेका छन ।
यो बर्ष बर्षातको समय सुरु भए लगत्तै पहिरो जान थालेको हो ।
बिगत लामो समय देखि प्रत्यक बर्षको बर्षेनी समय सुरु भए लगत्तै सो गाँउमा पहिरो जान सुरु भएर खेतियोग्य जमिन बगाउने गरेको वडा न. ४ का डवा अध्यक्ष हर्क रावतले लोकतन्त्र बिहानी न्यूजलाई जानकारी दिए ।
बिगतका बर्षहरुमा उक्त पहिरोले गाँउ नजिकैको ठु्लो खेतियोग्य जमिन बगाएको थियो । हरेक बर्ष बर्षातको समय सुरु भए लगत्तै सुरु हुने उक्त पहिरोले प्रत्यक बर्ष ठुलो क्षेति गर्ने गरेको छ । यो बर्ष पनि बर्षातको समय सुरु भएपछी पहिरो जान थालेको हो । पहिरोले खेतियोग्य जमिन कतात गरेर बस्ति भएको ठाउँ सम्म पुगेको छ । सो गााउँपालिकाको वडा न. ४ गुइवनका २५ घर परिवार जोखिममा रहेका छन अध्यक्ष रावतले भने ।
अध्यक्ष रावतका अनुसार बस्ति निकै जोखिममा रहेको छ । बर्षात धेरै भयो भने बस्ति बगाउन सक्ने सम्भावना उच्च रहेको छ । तत्काललाई बस्ती स्थानान्तर गर्नुपर्ने देखिन्छ । म हिजो सोहि ठाँउमा गएर अवलोकन गरेको थिए ।स्थानियहरु निकैै त्रासमा छन । जोखिमबाट बच्नका लागि के कस्ता पुर्व सर्तकताका उपाएहरु अपनाउन सकिन्छ भन्ने बिषयमा पुर्व तयारी गरिरहेका छौ उनले भने ।
प्रतिक्रिया
सम्बन्धित खवर
