92 पटक पढिएको
काठमाडौं : जनता समाजवादी पार्टीका नेता महन्थ ठाकुर र प्रधानमन्त्री शेरबहादुर देउवाबीच भेटवार्ता भएको छ। मंगलबार प्रधानमन्त्री निवास बालुवाटारमा देउवालाई भेट्न ठाकुरको नेतृत्वमा अनिल झा, राजेन्द्र महत्तो, शरतसिंह भण्डारी पुगेका थिए ।
भेटमा प्रधानमन्त्रीसँग विगतको सरकारसँग भएका सहमति कार्यान्वयन, मन्त्रिपरिषद् विस्तारमा ढिलाई, नागरिकता विधेयक र राजनीतिक दल सम्बन्धी अध्यादेशको बारेमा चासो राखेको बालुवाटार स्रोतले जनाएको छ। उनीहरुले यो सरकारलाई आफूहरुले पनि समर्थन गरेकोले मधेशका माग र मुद्दाको सम्बोधन हुनुपर्ने बताएका छन् । संसद अधिवशेन अन्त्य भएकाले सरकार अब कसरी अगाडि बढ्छ भनेर चासो राखेका छन् । संसद अधिवेशन सोमबार रातिबाट अन्त्य भएको छ। जवाफमा प्रधानमन्त्री देउवाले छिट्टै मन्त्रिपरिषद्लाई पूर्णता दिएर बाँकी काम टुंगो लगाउने बताएका छन् ।
निर्वाचन आयोगको इजलासले जसपाका अध्यक्ष महन्थ ठाकुर र अर्का अध्यक्ष उपेन्द्र यादव पक्षका कार्यकारिणी सदस्यलाई आयोगमा बोलाएर सनाखत गराउँदा यादव पक्षमा बहुमत देखिएकाले उनैलाई आधिकारिकता दिएको थियो ।
जसपाको ५१ सदस्यीय कार्यकारिणी सदस्यमध्ये ३४ सदस्यले अध्यक्ष यादवको पक्षमा हस्ताक्षर गरेका थिए। पार्टीका अर्का अध्यक्ष महन्थ ठाकुरका पक्षमा १६ सदस्यले हस्ताक्षर गरे। हाल जेल सजाय भोगिरहेका जसपाका सांसद रेशम चौधरी निर्वाचन आयोग परिसर पुगे पनि तटस्थ बसेका थिए। यादव पक्षले ठाकुर पक्षका केन्द्रिय सदस्यलाई कार्यकारिणी सदस्यबाट हटाएको छ ।
अन्नपुर्ण पाेष्टबाट साभार
प्रतिक्रिया
सम्बन्धित खवर
