140 पटक पढिएको
ओखलढुंगा: खिजीदेम्वा गाउँपालिका ९ मा ५८ वर्षीया कमुनी शेर्पाको शंकास्पद मृत्यु भएको छ । मृतकका माइतीपक्षबाट हत्या गरिएको भन्दै परिवारकै सदस्यविरुद्ध किटानी जाहेरी दर्ता गरेका छन् ।
साउन ३२ गते राति लडेर मृत्यु भएको प्रहरीले सूचना पाएको थियो । घटनास्थलमा प्रहरी पुग्दा स्थानीयले कुटपिटबाट मृत्यु भएको बताएका थिए । घटना शंकास्पद भएकाले अनुसन्धान.थालिएको जिल्ला प्रहरी कार्यालय ओखलढुंगाका डिएस्पी गोविन्दराज काफ्लेले बताएका छन ।
स्थानीयका अनुसार लडेर मुत्यु भएको परिवारकै सदस्यले जानकारी गराएपछि रितपूर्वक अन्त्येष्टि गर्ने तयारी गरेको प्रहरीले जनाएको छ । मृतकका छोराविरुद्ध किटानी जाहेर आएपनि घटना शंकास्पद रहेकाले पोष्टमार्टम रिपोर्ट तथा अनुसन्धानबाट एकिन हुने डिएस्पी काफ्लेले बताए ।
उनले अनुसन्धानबाट हत्या यकिन भइनसकेकाले आरोपितको नाम उल्लेख गर्न चाहेनन् । मृतकको माइती पक्षका जाङ्बु शेर्पाले छोराले नै हत्या गरेको किटानी जाहेरी दिएका छन् ।उनलाई नियन्त्रणमा लिएर अनुसन्धान थालेको प्रहरीको भनाइ छ ।
अन्नपुर्ण पोष्टबाट साभार
प्रतिक्रिया
सम्बन्धित खवर
