बाजुरा– भाद्र जनैपुर्णिमाको दिन लाग्ने बाजुरा जिल्लका बडीमालिका, नाटेश्वरी,  बुढीनन्दा, सुनन्दा,  त्रिवेणी, जाल्पा देबि, नाटेश्वरी  र बड्डालेख लगायत शक्तीपिठहरुमा पुजाआजा समपन्न भएके छ । जिल्लाभरका शक्तिपिठमा पुजाआजा गरिएसंगै सबै ठाँउमा दर्शनार्थीहरुको घुँइचो लागेको छ ।
जिल्लाको त्रिवेणी नगरपालिका–७ मा पर्ने नाटेश्वरी मन्दिरमा आइतबार विहानबाट नै भक्तजनहरुको घुईचो लागेको थियो । त्यस्तै जिल्लाको त्रिवेणी र बडीमालिका नगरपालिकाको उद्गम बिन्दुमा रहेको बडीमालिका माताको पनि पुजाआजा सम्पन्न भएको छ ।

बडीमालिकाको दर्शन पछि जनैपूर्णिमा दिन लाग्ने मेलामा दर्शनार्थीहरुको भीड लागेको बताइएको छ । आइतबार बिहान देखि नै बडीमालिकाको दर्शन गरेर फर्किएका दर्शनार्थी र जिल्लाका विभिन्न गाउँबाट गएका दर्शनार्थीहरुको नाटेश्वरी माताको दर्शन गर्न लाइन लागेका छन् ।
दोस्रो शक्ति पीठमा रुपमा मानिएको धार्मिक तथा पर्यटकीय क्षेत्र नाटेश्वरीमा रक्षा बाँध्ने, बोकाहरुको वली दिने प्रचलन रही आएको छ । शक्ति पीठका रुपमा रहेका नाटेश्वरीमा माताको दर्शनका साथै कालिका भगवतीमा समेत बोकाको बली दिने प्रचलन कायमै रहेको स्थानीय भानुभक्त पाध्यायले बताएका छन् ।
बडीमालिका दर्शन गरेर फर्किएकाहरुले चतुर्दशीका दिन रातभरी देउडा खेल्ने मागल गाउने गर्छन् । मानोकांक्षा पुरा हुने र बडीमालिकाको दर्शनपछि वली दिनु पर्ने प्रचलन गरेकाले सो कार्य गरे हिन्दु परम्परा अनुसारको कर्मकाण्ड पुरा हुने गरेको जन विश्वास रही आएको छ ।

वरिपरी घना जंगलको बीचमा रहेको नाटेश्वरी मन्दिरमा हजारौंको संख्यामा दर्शनार्थीहरु आउने गरेको नेपाल पुजारी समेत रहेका पाध्यायले बताए ।
उनका अनुसार नाटेश्वरी मातालाई बोकाको बली चढाउदा मनको इच्छा पुरा हुने र नि:सन्तान भएकालाई सन्तानको वर दिने जस्ता धार्मिक विश्वास रही आएकाले बडीमालिका पुजाको पछिल्लो दिन नाटेश्वरीमा पुजा लाग्ने गरेको अध्यक्ष पाध्यायले बताए ।
नाटेश्वरीमा मेला तथा पुजा लागेसंगै बडीमालिकाको यो वर्षको यात्रा सकिने भएको छ । बडीमालिकाको दर्शनका लागि काठमाण्डौ,दैलेख,जाजरकोट, पुर्वी जिल्ला र पश्चिमी जिल्लाका अधिकांश भक्तालुहरु दर्शन गर्न आउने गरेका छन् ।

बडीमालिकामा बाजुरा,डोटी,अछाम,जुम्ला,कालिकोट लगायतका जिल्लाको सरकारी पुजा लाग्ने गर्छ । हरेक वर्ष चतुर्दशीकादिनमा लाग्ने मेलामा माताले मनोकांक्षा पुरा गर्ने र सन्तान नभएकालाई सन्तान दिने विश्वास रहेकाले बडीमालिकाको पुजा लाग्ने गरेको हो ।
जनैपुर्णिमाका दिन आइतबार बाजुरा जिल्लाभरका सबै शक्तिपिठहरुमा पुजाआरधना संगै मेला लागेको छ ।