207 पटक पढिएको
राम बहादुर दानी/बाजुरा– जिल्ला अस्पताल बाजुराले जिल्लाका सरोकार वाला निकायसंग अनुगमन तथा समिक्षा कार्यक्रम सम्पन्न गरेको छ । बाजुरा जिल्ला अस्पतालका बारेमा कोभिट–१९ को समयमा भोग्नु परेका समस्या र चुनौतीका बिषयमा समिक्षा गरिएको हो । कार्यक्रम जिल्ला अस्पताल बाजुरामा भएकाे हाे ।
संघिय संसद लाल बहादुर थापाको प्रमुख आथित्यतामा सम्पन्न भएको समिक्षा कार्यक्रममा जिल्ला अस्पताल बाजुराको निर्माणको विषयमा बिषेश समिक्षा गरिएको थियो । समिक्षा कार्यक्रममा जिल्ला अस्पतालको समष्ठिगत रुपमा प्रस्तुत पार्दै जिल्ला अस्पतालका डाक्टर प्रकाश जोशीले बाजुरा जिल्ला देशकै र सुदुरपश्चिमकै पहिलो बाल कुपोषणको उच्च दरमा रहेको बताएका छन ।
बाजुरा जिल्लाको स्वास्थ्य अवस्था दयनिय भएकोले जिल्ला अस्पतालमा थाइराइडका बिरामीहरुलाइ चेकजाँच गर्न क्लिया मेसिनको आवश्यकता परेकोले तत्काल सो मेसिन उपलब्ध गराइदिन समेत माननिय संसद थापालाई अनुरोध गरेका छन् ।
कार्यक्रममा आफ्ना कुरा राख्दै जिल्ला अस्पताल बाजुराका अध्यक्ष भरत थापाले स्वास्थ्यकर्मीको दरवन्दी १० प्रतिशत मात्र भएकोले अस्पतालको अन्य स्रोतबाट ९० प्रतिशत स्वास्थ्यकर्मी राख्नु परेकोले थप काम गर्न असहज भएको हुदा दरबन्दीका लागी पनि अनुरोध गरेका छन । जिल्ला अस्पताल मानव जिवनसंग जोडिएको हुँदा सबैको साथ र सहयोगको थप आवाश्यकता परेको पनि अध्यक्ष थापाले बताए ।
त्यस्तै डाक्टर जोशीले प्रत्येक विरामीहरुलाई ब्याडमै सेवा एक्सरे सेवा प्रवाह गर्न पोटएवल एक्सरे मेसिनको आवश्यकता परेकोले जिल्ला अस्पतालमा पोटएवल एक्सरे मेसिनका लागी पहल गरिदिन समेत संघिय संसद थापालाई अनुरोध गरेका छन् ।
समिक्षा कार्यक्रममा बोल्दै प्रमुख अतिथी संघिय संसद लाल बहादुर थापाले बाजुरा जिल्ला अस्पतालका लागी पिसिआर मेसिन आफ्नो पहलमा आइसकेको र चाँडै जिल्ला अस्पतालमा जडान हुने कुरा बताए । कार्यक्रममा बोल्दै प्रमुख अतिथीले बाजुरा जिल्ला कुपोषणको उच्च दरमा रहेकोले यो बिषयमा आफुले तत्काल गहिरो रुपमा सोच्ने बताएका छन ।
आफ्नो जिम्मेवारी जिल्लाका नागरिकहरुको स्वास्थ्यमा चिन्तन राख्नु पर्ने मुख्य दायित्व भएकोले यो समाचारले थप जिल्लाको बिषयमा क्याविनेट सम्म सिर ठाडो गर्न असहज हुने देखिन्छ संसद थापाको भनाई रहेको छ । जिल्लामा बाल कुपोषणको समस्या न्युनिकरण गर्न सरकारको सम्म समस्या लिउर के कस्ता कार्यक्रमहरु ल्याउन सकिन्छ आफुले पहल चाल्ने बिस्वास दिएका छन ।
जिल्लामा क्रियाशिल पत्रकार र राजनितिक दलहरुसंगको समिक्षा कार्यक्रमको औपचारिक संचालन जिल्ला अस्पताल बाजुराका सूचना अधिकारी नृप गीरीले गर्नु भएको थियो ।
