बाजुराः– साँफे देखि मार्तडीसम्म जोड्ने सडक खण्ड पहिरोको उच्च जोखिममा रहेको छ । बुढिगंगा नगरपालिकाको १ अम्कोटमा रहेको सो करिब १ किलोमिटर सडक निकै जोखिममा रहेकोे छ । साँफे मार्तडी सम्म जोड्ने सडक खण्डमा पर्ने अमकोटको पहिरोले बाटोलाई जोखिममा पुर्‍याउने भएकोले अन्य बैकल्पिक बाटो नखोले बर्षातमा सो क्षेत्रको अवरोधले सडक पुर्ण रुपमा बन्द हुने सम्भावना रहेको छ । सडक डिभिजन कार्यलय साँफेबगर अछामका अनुसार साँफे मार्तडी सडक खण्ड नियमित रुपमा सुचारु भएको लामो समय भएता पनि सो ठाँउ भने वर्षदको समयमा निकै जोखिम रहदै आएकोले यात्रुहरुले जोखिम यात्रा गर्नु पर्ने भएको वताएको छ ।

गत बर्षमा पनि बर्षातको समयमा सोही ठाँउमा पहिरोका कारण चार महिना सडक अबरोध हुदै आएको थियो । करिव ६ महिना सम्म मात्र हिँउदमा नियमित सडक चलेता पनि बर्षाद यो सडक बन्द नै हुने भएको छ । यता प्रमुख जिल्ला अधिकारी गोपाल कुमार अधिकारीलाई सोध्दा बडीमालिका नगरपालिका र बुढीगँगा नगरपालिकाको सहकार्यमा निर्माण कार्यलाई जोड दिने यदि सो ठाँउमा बर्षदको समयमा आवत जावत कार्य सम्भव नभए बैकल्पिक बाटो अपनाउने बताए ।
साँफे मार्तडी सडक खण्ड पटक पटक जोखिम हुँदा मार्तडी, उत्तरी क्षेत्रको कोल्टी, हुम्ला र मुगु सम्म आवत जावतमा निकै समस्या हुने भएको छ । अघिल्लो बर्षको बर्षदमा पनि सडक अबरोध हुँदा ति क्षेत्रका बासिन्दाहरुले दैनिक उपभोग्य सामान औषधिको ओसार पसारमा चरम अभाब खेप्दै आएका थिए । यसरी सो ठाँउको सडकमा पटक-पटक बर्षादले सवरोध गर्दै जाने भएकोले अन्य बैकल्पि बाटो नखोले बर्षादमा पुर्ण रुपमा अवरोध हुन सक्ने भएको छ ।

त्रिवेणीको पैमाबाट आएको पहिरोले नदि थुनिए पछि बुढिगंगा नगरपालिका १ को अम्कोटमा नढीले कटान गरी सडक भासिदै आएकोले अमकोट गाँउ नै पुरै जोखिममा परेको छ । पहिलेको बर्षमा मात्र सडक भासिदा १ जनाको मृत्यु भएको थियो भने कयौँ यात्रुहरुले जोखिम खेप्नु परेको थियो । त्यस्तै कयौँ यातायातका साधनहरुले ठुलो क्षेत्री बेहोर्नु परेको थियो । बुढिगंगा नगरपालिका १ अम्कोटका ७ घर–परिवार बिस्थापित समेत भएको एक स्थानियले बताएका छन । बुढिगंगा नगरपालिका १ अमकोटका टिकाराम पाध्याय, मीमाराम पाध्याय, लीलाराम पाध्याय, हिरा पाध्याय, धौल्या पाध्याय, लाल पाध्याय, टिकाराम पाध्याय पुर्ण रुपमा विस्थापित भएका थिए । परिवार बिस्थापित भए सँगै खेति योग्य जमिन समेत पहिरोले वगाएर बिचल्ली बनाएको थियो ।

लामो समय देखि नियमित सुचरु भएको साँफे मार्तडी सड्क अबरुद्ध हुदा हुदै पनि सम्बन्धित निकायलाई जानकारी भएपनि कसैले वास्ता नगरेकाेे सो ठाँउका स्थानियहरुको गुनासो रहेको छ ।
यता सडकको समस्या आई रहदा बाजुरा जिल्लाबाट निर्वाचिन माननिय लाल बहादुर थापालाई भने आफ्नो वडा मा ५ करोडको बजेटमा फनपार्क निर्माण गर्ने योजनाको चटारो रहेको छ । यसरी वर्षादको समय नजिकिदै जाँदा साँफे मार्तडी जोड्ने सडक खण्डमा पर्ने अमकोटमा बाढीले सडक अवरोध हुँने सम्भावना भैरहदा पनि आफ्नो वडामा ५ करोडको फनपार्क निर्माणका लागी माननियले चिन्तन दिनु भएकोमा बाजुराका स्थानियहरुले बिकासका कार्यमा प्राथमिकता दिने ठाँउमा ध्याँन नगएको बारे गुनासो गरेका छन ।