254 पटक पढिएको
मिन बहादुर खड्का/बाजुरा– जिल्ला खप्तड छेडेदह गाउँपालिका वडा न .४ मा पर्ने सुन्दर रमणिय छेडेदह ताल हेर्न आउने आन्तरिक पर्यटकहरुको घुईचो बढेको छ । पछिल्लो समयमा आन्तरिक पर्यटकहरुको मन जित्दै गएको सो तालमा बिशेष गरेर श्री कृष्ण जन्माअष्टमीको अवसर पारी उक्त ताल हेर्न आउनेको घुइँचो बढ्न थालेको हो ।
प्रत्येक बर्ष यो दिनमा सो ताल हेर्न करिब ७/८ सय जना आन्तरिक पर्यटकहरु आउने गरेको स्थानियहरु बताउन्छ्न । यो बर्ष पनि पनि उक्त ताल हेर्न का लागि ४/५ घण्टाको पैदल यात्रा गरेर आन्तरिक पर्यटकहरु आएका थिए । कोभिडका कारण यो बर्ष केही कम आएता पनि बर्षेनी उक्त ताल हेर्न आउनेको संख्या बढ्दै गएको छ । बर्षादको समय सुरु भएपछि ताल झन रमणिय अनि सुन्दर बन्दै जाने भएकोले पानीमा छाता ओढेर समेत सो ताल हेर्न आउने गर्छन, एक युवा विद्यार्थी राजेश सुनारले बताए ।
म यो ताल हेर्न धेरै पटक आएको छु । घर देखि एहा सम्म पुग्न करिव ४ घण्टा लाग्छ । यो तालको सौन्दर्यता हेर्दा कहिले रहर पूरा हुदैन । पटक पटक आईरहु जस्तै लाग्छ । बर्षादको समयमा त झन जता–ततै हरियाली अनि बिचमा रमणिय ठूलो ताल देखेपछि जति थकाइ लागेको भए पनि थकान महसुस नै हुँदैन । मलाई लाग्छ यो तालको सौन्दर्यतालाई हेर्दा जोकोहीको मन लोभिन्छ होला, तर एसो हेर्दा यो ठाउँको प्रचार प्रसार अनि प्रबर्दनमा ढिलाई भएको जस्तो महसुस मलाई भैरहेको छ । यस ठाउँका स्थानीयहरुले यो ठाउँको प्रचार–प्रसार संरक्षण र प्रवर्दनमा जोड दिनुपर्ने हुन्छ ।
यो तालको प्रचार–प्रसार र प्रबर्द्धनमा गर्न सक्यो भने आन्तरिक मात्र नभई बाह्य पर्यटकहरुलाई पनि भित्र्उन सकिने देखिन्छ । मलाई लाग्छ यो ठाउँला स्थानीयहरुले नै यो ताललो प्रचार प्रसार र प्रबर्द्धनमा ब्यवास्था गरेको देखिन्छ । बाहिरबाट आउने पर्यटक हरुका लागी खान बस्न को व्यवस्था गर्न सक्नुपर्छ । यहा पुगेर एउटा कार्यक्रम गरौं भने पनि बत्तिको समेत समस्या छ, एक आन्तरिक पर्यटक बुढीगंगा नगरपालिका वडा न .४ का गाएक मोडल तथा सर्जक राजेन्द्र रावतले बताए ।
विद्यार्थी युवा राजेश सुनारका अनुसार ताल हेर्न आउनेको संख्या बढ्दै गएको पाइएको छ । जिल्ला भित्रवाट नभै जिल्ला बाहिरबाट पनि सो ताल हेर्न आउने गरेका छन । बिशेष गरी श्री कृष्ण जन्माअष्टमीको दिनमा यो ताल हेर्न आउनेको घुइँचो हुन्छ । हामीले यो तालको प्रचार प्रसारमा सहयोग पुगोस् भन्ने उद्देश्यले प्रत्येक बर्ष यो छेडेदह तालमा कुनै न कुनै कार्यक्रमको आयोजना गर्ने निर्णय गरेका थियौ ।यो बर्ष पनि छेडेदह साहित्य प्रतिष्ठानको आयोजनामा रचना बाचन कार्यक्रम गर्ने हाम्रो योजना थियो ।कोरोना भाइरसका कारण त्यो संभाव भएन । हामीले अनौपचारिक ढंगले रचना बाचन कार्यक्रम पनि गर्यौ । अर्को बर्षबाट हामी बृहत कार्यक्रम आयोजना गर्ने हाम्रो लक्ष्य रहेको छ एस्तो जोखिमको बेला पनि यो ताल हेर्न आउने आन्तरिक पर्यटकहरुको घुइँचो लागेको छ ।
तर दुखको कुरा बिशेश गरेर यो तालको प्रचार प्रसार र प्रवर्दनका लागी आफ्नै स्थानीय तहले पनि कुनै पहल नगेरेको सुनारको गुनासो रहेको छ । स्थानीय तहले अहिलेसम्म यो तालको प्रचार प्रसार र पवर्दनमा कुनै चासो देखाएको छैन । अरु ठाउँहरुमा श्रोतको खोजी गरेर प्रचार प्रसार र प्रवर्दन गरिन्छ । हाम्रो आखा अगाडी श्रोत हुदा पनि ब्यवास्था गर्नु लज्जास्पद बिषय हो ।नजिकको तिर्थ हेला भनेझै छेडेदह ताल आफ्नै स्थानीय तहबाट ओझेलमा परेको छ उनले भने । यसमा स्थानीय सरकार मात्र नभै प्रदेश र संघ सरकार को पनि यसमा नजर परेको छैन । यो ताल तीन वटै तहका सरकार बाट ओझेलमा परेको सुनारको भनाई रहेको छ ।
अव यो ठाउँको प्रचार प्रसार र प्रबर्द्धनका लागि हामी युवाहरू लागि रहेका छौं । यो तालको प्रबर्द्धन गर्दै आन्तरिक मात्र नभै बाह्य पर्यटकहरु भित्र्याउने हाम्रो लक्ष रहेको छ । अव हामी छेडेदह ताल संरक्षण समिति गठन गर्ने निर्णय गरेका छौं ।छेडेदह ताललाई जसरी पनि पर्यटकिय क्षत्र बनाउने हाम्रो दीर्घकालीन लक्ष रहेको छेडेदह साहित्य प्रतिष्ठानका अध्यक्ष गणेश बुढाले बताए ।
