117 पटक पढिएको
लोकतन्त्र विहानी सम्वाददाता/बाजुरा– सामुदायिक सिकाई केन्द्रका सहजकर्ता बीचको वक्तृत्वकला प्रतियोगितामा बाजुराकी बिसु नाथ प्रथम भएकी छन् । कर्णाली, गण्डकी र सुदूरपश्चिम तीन वटा प्रदेशका सहजकर्ता सहभागि प्रयोगितामा बाजुराकी बिसु नाथ प्रथम भएकी हुन् ।
साविक आटीचौर गाविस स्तरीय छेडेदह सामुदायिक सिकाइ केन्द्रकी सहजकर्ता बिसु नाथ १७ जना प्रतियोगिहरुलाई पछि पार्दै प्रथम भएकी हुन् । जुम मार्फत गरिएको प्रतियोगिता साक्षरताले जीवन स्तरमा पार्ने प्रभाव शिर्षक राखिएको थियो ।
शिखरापुर सामुदायिक सिकाइ केन्द्र काठमाडौंको आयोजना र वैकल्पिक शिक्षा प्रवद्र्धन केन्द्रको सहयोगमा सञ्चालन गरिएको हो । प्रतियोगितामा गण्डकी प्रदेशका विमला शाही द्धितीय र सृष्टी रेग्मी तृतीय भएका छन् ।
श्याम केसीको अध्यक्षतामा सञ्चालन भएको कार्यक्रममा लक्ष्मण दाहाल, नानी बाबु बस्नेत, विमला मिश्र सहीत निर्णायक बस्नु भएको थियो । प्रतियोगितामा प्रथम बिसु नाथले केन्द्र स्तरीय बक्तृत्व कलामा भाग लिन पाउने छन् ।
यस्तै प्रथम द्धितीय र तृतीय स्थान हासिल गर्नेलाई पुरस्कार सहीत सम्मान पत्रले सहीत सम्मानीत गरिने आयोजकले बताएको छ । साक्षर कक्षा सञ्चालन, अनौपचारिक शिक्षाको प्रवद्र्धन र पढाइ सिकाइको विकासका लागि प्रत्येक साविक गाविसमा सिकाइ केन्द्र स्थापना गरिएका छन् ।
राज्यले तलब सुविधा नै दिएर सिकाइ केन्द्र सञ्चालन गरेपनि अधिकांश बोर्ड टाँसेर सुविधा लिनइरहेको अवस्था छ । भने केहीले राम्रो काम गरिरहेका छन् ।
प्रतिक्रिया
सम्बन्धित खवर
