113 पटक पढिएको
धनगढी–कैलालीमा विङ्गर दुर्घटना हुँदा सात जना घाइते भएका छन् ।
पूर्वपश्चिम राजमार्गअन्तर्गत कैलालीको गौरीगंगा नगरपालिका वडा नम्बर ४ राजीपुरमा सु.प.प्र. ००१ ०२ ज ३९९ नम्बरको विङ्गर दुर्घटना हुँदा सात जना घाइते भएका हुन् ।
जिल्ला प्रहरी कार्यालय कैलालीका प्रहरी नायब उपरीक्षक प्रतिक बिष्टका अनुसार पूर्वबाट पश्चिम आउँदै गरेको उक्त विङ्गर साइकल यात्रीलाई बचाउने क्रममा दुर्घटना भएको हो ।
घाइते भएका साइकल यात्रीसहित सात जनाको स्थानीय अस्पतालमा उपचार भइरहेको प्रहरी नायब उपरीक्षक प्रतिक बिष्टले जानकारी दिए ।
दिनेश खबरबाट साभार
