270 पटक पढिएको
बाजुरा–कोरोना भाइरस कोभिड १९ को नियन्त्रणका लागि आज जिल्ला स्तरिय कोभिड व्यवस्थापनको अन्तक्रिया कार्यक्रम सम्पन्न भएको छ ।
अन्तक्रिया कार्यक्रममा जिल्ला जनस्वास्थ्य कार्यालय, एचआरसी बाजुरा र साहस नेपालले कोभिटको दोस्रो लहरलाई जिल्लामा नियन्त्रण गर्न सहयोग गरेको वारेमा बिषेश अन्तक्रिया भएको हो । अन्तक्रिया कार्यक्रममा कोभिडको नियन्त्रणमा स्वास्थ्य सामाग्री लगायत कोभिड नियन्त्रणमा सहयोग गरेको प्रतिवेदन समेत प्रस्तुत गरिएको थियो ।
जिल्ला जनस्वास्थ्य कार्यालय बाजुराका महेश चन्द, एचआरसी बाजुराका अग्नीराज शाही र साहस नेपालका राम बहादुर खत्रीले कोभिड नियन्त्रणमा गरेको सहयोगको प्रतिवेदन प्रस्तुत गरेका थिए । प्रमुख जिल्ला अधिकारी गोपाल कुमार हधिकारीको अध्यक्षतामा संचालन भएको कार्यक्रम बडीमालिका नगरपालिकामा सम्पन्न भएको थियो । अन्तक्रिया कार्यक्रममा बडीमालिका नगरपालिकाका नगर प्रमुख पदम बहादुर बडुवाल प्रमुख अतिथी रहनु भएको थियो भने कार्यक्रममा जिल्ला स्थित सरोकारवाला निकायका प्रमुख तथा प्रतिनिधीहरुको उपस्थिति रहको थियो । अन्तक्रिया कार्यक्रममा तेस्रो भेरियन्ट नियन्त्रण गर्न जिल्लामा के कस्ता कृयाकलापहरु अगाडी बढाउनु पर्छ भन्ने बिषयमा छलफल भएको हो ।
अन्तक्रियामा बोल्दै प्रमुख जिल्ला अधिकारी गोपाल कुमार अधिकारीले जिल्लामा दोस्रो लहर नियत्रणमा सहयोग गरेकोमा धन्यबाद दिदै तेस्रो भेरियन्ट फैुलिन नदिन जिल्लाका संचार माद्यामहरुले सुचना तथा समाचार प्रवाह गर्ने कुरामा जोड दिनु भएको थियो । त्यस्तै जिल्लामा गाँउ स्तर सम्म जनचेतना फैलाएर कोभिटको तेस्रो लहर नियन्त्रण गर्न जिल्लाका सम्पुर्ण सरोकारवाला निकायहरुलाई अनुरोध समेत गर्नुे भएको छ ।
