29 पटक पढिएको
मिन बहादुर खड्का/बाजुरा– जिल्लामा कोरोना भाईरस कोभिड १९ को दोस्रो मात्राको खोप लागाईने भएको छ ।
जिल्लाको बडीमालिका नगरपालिका, त्रीबेणी नगरपालिका, बुढीगंगा नगरपालिका,खप्तद छेडेदह गाउँपालिका, गौमुल गाउँपालिकामा भेरोसिल पहिलो मात्रामा लगाएका र दोश्रो मात्राको खोप लगाउनका लागि प्रतीक्षामा रहेकालाई खोप लगाइने बताइएको छ ।
शुक्रबार जिल्ला स्वास्थ कार्यालय बाजुराले एक सुचना जारी गर्दै रेडियो लगायत अन्य सुचनाका माध्यमहरु मार्फत लोभिड १९ को दोश्रो मात्राको खोप लगाइने भएकोले कोभिड १९ खोप बिरुद्ध सुचना प्रवाह गरेरे कोभिड १९ बिरुद्धको खोप अभियानमा सहयोग गरिदिन हुन अनुरोध गरेको छ ।
जिल्ला स्वास्थ बाजुराका वरिष्ठ जन स्वास्थ अधिकृत दया कृष्ण पन्तद्वारा हस्ताक्षरित सुचानामा श्रावण १९ गते देखि २१ गते सम्म भरोसिल खोपको पहिलो मात्रा लगाएका ब्यक्तिलाई २१ र २२ गते दोश्रो मात्राको खोप लगाईने उल्लेख गरिएको छ ।खोप लगाउन जादा अनिवार्य खोप कार्ड लिएर जानुपर्ने र पहिलो मात्राको खोप लगाएका हरुलाई २१ दिन दोश्रो मात्राको खोप लगाउन सकिने सुचनामा भनिएको छ ।
यसताे छ हेनुर्हाेस सुचना
