बाजुरा- नेपाली काँग्रेसको १४ औं महाधिवेशन तथा सातौ जिल्ला अधिवेशनको पुर्व सन्ध्यामा टोल समिति गठनमा एमाले परित्याग गरी नेपाली काँग्रेसमा प्रवेश गर्ने क्रम बढेको छ । सोमबार नेपाली काँग्रेस बडीमालिका–२ वडा कार्य समितिले आयोजना गरेको टोल समिति गठनमा नेकपा एमाले वडा सचिव भीमबहादुर बोगटी सहित पाँच परिवार एमाले परित्याग गरी नेपाली काँग्रेसमा प्रवेश गरेको नेपाली काँग्रेसकी महिला नेत्री जयन्ती हमालले जानकारी दिएकी छन् ।

उनले दिएको जानकारी अनुसार एमाले पार्टी परित्याग गरी नेपाली काँग्रेसमा प्रवेश गर्नेलाई नेपाली काँग्रेस बाजुराका सभापति कविराज पण्डित र बडीमालिका नगरपालिका उप प्रमुख तथा जिल्ला कार्य समिति सदस्य कविता विष्टले स्वागत गरेकाा छन् । एमाले परित्याग गरी नेपाली काँग्रेस प्रवेश गर्नेमा एमाले बडीमालिका–२ का वडा कमिटि सचिव भीमबहादुर बोगटी,धनीदेवी रोकाया,भुपा विष्ट ,निशा हमाल र जोगगिरी गन्धर्व सहित उनीहरुका स–परिवार काँग्रेसमा प्रवेश गरेको महिला नेत्री हमालले बताएकी छन् ।

वडाको भौनेरा टोलमा गरिएको टोल समिति गठन गरिएको छ । टोल समितिमा मीनबहादुर चन्दलाई सभापतिमा चयन गरिएको छ । टोल समितिको उपसभापतिमा भीम बोगटी,सचिव सुरेन्द्र हमाल,कोषाध्यक्ष इन्द्र रोकाया, र सह सचिव निशा हमाल सहित १५ सदस्यीय टोल कार्य समिति गठन गरिएको हो ।वडा सभापति मदनराज पण्डितको अध्यक्षतामा संचालन भएको कार्यक्रमको प्रमुख अतिथी नेपाली काँग्रेस बाजुराका सभापति कविराज पण्डित रहेका थिए ।

कार्यक्रममा बडीमालिका नगरपालिका उप–प्रमुख कविता विष्ट, महिला नेत्री जयन्ती हमाल विशिष्ट अतिथी रहेका थिए । टोल समिति गठनको संचालन नन्द खत्रीले गरेको स्वागत मन्तव्य काँग्रेसका नेता गोपाल कार्कीले गरेका थिए  ।  मालिका टुडेवाट साभार