82 पटक पढिएको
अशोक कुमार शाही/कालिकाेट– स्वास्थ्य सेवा कार्यालय कालिकोटमा अक्सिजन प्लान्ट जडान गरिएको छ ।
केही समय पहिले जडान गरिता पनि बत्तीको अभावले अक्सिजन प्लान्ट सुचारु हुन सकेको थिएन । कर्णाली प्रदेश सरकारका मुख्यमन्त्री महेन्द्र बहादुर शाहीको पहलमा युनडिपिको सहयोगमा ६२.५ केबिए को जेनेरेटर सहयोग पछि मुख्यमन्त्री शाहीले मंगलबार रिवन काटेर अक्सिजन प्लान्टको ओैपचारिक रूपमा उद्धघाटन गर्नु भएको हो ।
उद्घाटनमा बोल्दै मुख्यमन्त्री शाहीले कालिकोटका जनताहरुलाई अब देखि अक्सिजनको अभावले कही कतै भड्किनु नपर्ने बताउनुभयो भयो । कालिकोट जिल्लाको समस्या समाधान सँगै कर्णालीका अन्य जिल्लाहरुमा पर्ने अक्सिजनको समस्या समाधान समेत यो अक्सिजन प्लान्टले गर्ने उहाँको भनाइ थियोे ।
कालिकोटमा अक्सिजनको अभावले नागरिकले ज्यान गुमाउने दिनको अन्त्य भएको भन्दै अस्पताललाई थप सुविधा सम्पन्न बनाउनेमा आफ्नो तर्फबाट पहल गरिने पनि बताउनु भयो ।
प्रदेश सरकारको सहयोगमा ८० लाखमा बनाइएको मध्य प्रविधिको अक्सिजन प्लान्टले प्रति दिन ४५ देखि ४८ सिलेण्ड सम्म अक्सिजन उत्पादन गर्नसक्ने जनस्वास्थ्य अधिकृत कटक महतले बताउनुभयो ।
यस अक्सिजन प्लान्टको ९३ देखि ९६ प्रतिशतसम्म शुद्धता रहेको र प्लान्टबाट पाइपलाइन बिच्छ्याएर बेडमा सम्म अक्सिजन लैजान समेत सकिने जनस्वास्थ्य अधिकृत महतको भनाइ थियो ।
स्वास्थ्य सेवा कार्यालयका निमित्त स्वास्थ्य व्यवस्थापक रत्नविर सुनारको अध्यक्षता, कर्णाली प्रदेश सरकारका मुख्यमन्त्री महेन्द्र बहादुर शाहीको प्रमुख आतिथ्यता र खाँडाचक्र नगरपालिका प्रमुख जिसप्रसाद पाण्डे, पचालझरना गाउँपालिकाका अध्यक्ष खड्गराज सेजुवाल, जनस्वास्थ्य अधिकृत कटक महत, प्रमुख जिल्ला अधिकारी, प्रहरी प्रमुख लगायतको सहभागितामा अक्सिजन प्लान्टको उद्घाटन गरिएको थियो ।
यस्तै केही समय पहिला जिल्लामा रहेको कोभिड विशेष अस्पतालमा पनि अक्सिजन प्लान्ट जडान गरिएको थियो ।
मिनि खालको प्लान्टले प्रति दिन २५ वटा ब्याड सम्म सिदै पाईप लाईनको माध्यामबाट संक्रमितहरुलाई अक्सिजन दिदै आएको जनस्वास्थ्य अधिकृत कटक महतले बताउनुभयो ।
प्रतिक्रिया
सम्बन्धित खवर
