57 पटक पढिएको
काठमाडौं– त्रिभुवन विश्वविद्यालयले भौतिक उपस्थिति सहित पठनपाठन सञ्चालन गर्ने भएको छ । विश्वविद्यालयले बिहीबार एक सूचना जारी गर्दै असोज १ देखि भौतिक उपस्थिति सहित पठनपाठन सञ्चालन गर्ने जनाएको हो ।
सूचनामा भनिएको छ, ‘कोरोना जोखिम नियन्त्रणका लागि पूर्वतयारी एवम् सर्तकता अबलम्बन गर्दै २०७८ आश्विन १ गतेदेखि सम्भव भएसम्म भौतिक उपस्थिति गराई कक्षा सञ्चालनको व्यवस्था गर्न त्रिवि कार्यकारी परिषद्को निर्णयानुसार त्रिवि अन्तर्गतका सम्पूर्ण क्याम्पस विभाग–स्कुलहरूलाई सूचित गरिन्छ ।
त्रिभुवन विश्वविद्यालय अन्तर्गतका सम्पूर्ण आगिक तथा सम्बन्धन प्राप्त क्याम्पसहरूमा पठन पाठनका लागि अनलाइन कक्षा सञ्चालनको व्यवस्था गरिएको थियो ।
त्रिविले हाल क्याम्पस–विभाग–स्कूलहरूमा विद्यार्थीहरूको प्रत्यक्ष कक्षा सञ्चालनको अनिवार्यतालाई विचार गर्दै स्थानीय निकायले तोकेको समयसीमा र मापदण्ड भित्र रहनेगरी स्थानीय निकायसग समन्वय गरी कक्षा सञ्चालन गर्ने जनाएको हो ।
अन्नपुर्ण पोष्टबाट साभार
