मिन बहादुर खड्का बाजुरा–जिल्लाको खप्तड छेडेदह गाँउपालिकामा रहेको छेडेदह स्पोर्टस क्लबको आयोजनामा सर्वाधिक धनराशीको तेस्रो छेडेदह कप फुटबल प्रतियोगिता २०७८ कात्र्तिक १ गतेबाट हुने भएको छ । खेल पर्वको रुपमा हरेक वर्षको दशै तिहारको अवसरमा बिशेष आयोजना हुने प्रतियोगिता यो वर्ष पनि कात्र्तिक १ देखि सुरु हुने आयोजकले जनायको छ ।

स्थानीय जनप्रतिनिधी, विद्यालय प्रशासन, विव्यस, स्थानीय सुर्खा बजारका व्यापारी सहीतको उपस्थितिमा बैठक बसेर प्रतियोगिता सञ्चालन बारे खेल सञ्चालनको औपचारिक जानकारी र मिति सामाजिक सञ्जाल मार्फत जानकारी गराईएको हो ।

क्लबका अध्यक्ष लोकेन्द्र खड्काका अनुसार आयोजना बाजुराकै सुन्दरनगरीको रुपमा परिचित आटीचौर स्थित दरशथ माविको खेल मैदानमा कात्र्तिक १ देखि ६ गतेसम्म सञ्चालन गर्ने गरि तयारी भईरहेको र क्लबले आधिकारी रुपमै हरेक वर्ष दशैको टिका थालेको २ दिनपछि खेल सुरु गर्ने तालिका नै बनाएको बताएका छन ।

सुन्दरनगरी आटीचौरलाई खेल नगरीको रुपमा विकास गर्न र समग्र खेल क्षेत्रको विकास प्रवद्र्धनमा सघाउ पुर्याउने खेल पर्वका रुपमा विकास गर्ने लक्ष्य सहीत प्रतियोगिता आयोजना गरिएको क्लबका सचिव लक्ष्मण ओलीले बताए् । खेल क्षेत्रको विकास र खेल प्रति युवा आकर्षण बढाउन क्लबले रहेक वर्ष प्रतियोगिता सञ्चालन गर्दै आएको छ । राष्ट्रिय खेलकुद परिषद्कै सदस्यको सहभागितामा खेल संचालन हुने छ । खेलमा ५ सय बढी खेलाडी र हजारौको संख्यामा दर्शकहरुले खेलको अवलोकन गर्ने छन् । विजया दशमीको दुई दिनपछि आटीचौर स्थित दरशथ माविको खेल मैदानमा खेल संचालन हुनेछ उनले भने ।

जिल्ला प्रशासन कार्यालयमा दर्ता हुने मध्ये पनि जिल्लाको पहिलो क्लब छेडेदह स्पोट्र्स क्लबले आटीचौरलाई पर्यटकीय र खेल नगरीको रुपमा विकास गर्न क्लबले हरेक वर्ष अनिवार्य खेलकुदका गतिविधी सञ्चालन गर्ने उदेश्य सहीत प्रतियोगिता सञ्चालन गर्ने गरेको वडा अध्यक्ष खगेन्द्र रावतले बताएका छन् । हामीले छेडेदह कप फुटबल प्रतियोगितालाई संस्कारको रुपमा विकास गर्ने र सिंगो जिल्लाको पहिचानको विषय बनाउन खोजेको अध्यक्ष रावतले बताए । खेलकुदले सानो उपत्यका सहीतको सुन्दर नगरी आटीचौरलाई पर्यटकीय गन्तव्यका रुपमा विकास गर्न र छेडेदह ताल, बढालेक क्षेत्र, डाँडासैन, बथानलेख र कुडीकोट दरबारको प्रवद्र्धनमा पनि टेवा पुग्ने विश्वास स्थानीयले गरेका अध्यक्ष रावतको भनाई रहेको छ ।

क्लबले आटीचौरलाई पर्यटकीय र खेल नगरीको रुपमा विकास गर्न हरेक वर्ष अनिवार्य खेलकुदका गतिविधी सञ्चालन गर्दै छेडेदह ताल, बढालेक क्षेत्र, डाँडासैन, बथानलेख र कुडीकोट दरबारको प्रवद्र्धन गर्न पर्यटकीय गन्तव्यका रुपमा विकास गर्न टेवा पुग्ने उदेश्य सहीत प्रतियोगिता सञ्चालन गर्ने गरेता पनि यसमा स्थानिय सरकारले कुनै पनि चासो नदेखाएको पाइएको छ । खेल क्षत्रको बिकासका लागि क्लबले गरेको निरन्तरको प्रयासमा स्थानिय सरकारको वेवास्था गर्नुको वास्तविक कारण भने खुल्न  सकेको छैन ।

प्रतियोगितामा यस्तो छ हेर्नुहास पुरुस्कार

खेलमा अघिल्लो वर्ष

१: प्रथम पुरस्कार १ लाख ५५ हजार, ५ सय ५५ रुपैया नगद सहीत प्रमाण पत्र र मेडल
२:उपविजेताले १ लाख १ हजार १ सय ११ रुपैया सहीत प्रमाण पत्र र मेडल ।

यो बर्षका लागि

१ प्रथम पुरस्कार २ लाख २२ हजार, २ सय २२ रुपैया नगद सहीत प्रमाण पत्र र मेडल ।
२:उपविजेताले १ लाख ११ हजार १ सय ११ रुपैया सहीत प्रमाण पत्र र मेडल प्राप्त गर्ने छन् ।
३: खेलमा वेष्ट पिलियर, राइजिङ पिलियर, वेष्ट किपर, वेष्ट डिफेन्डर र सर्वाधिक गोल कर्तालाई पनि पुरस्कार सहीत मेडल र प्रमाण दिईने ।

यो पनि पढ्नुहोस

१:खेल कात्र्तिक १ देखि ६ गतेसम्म संचालन हुने छ ।
२:टिम दर्ता भने असोेज ३१ गते साँझ ५ बजेभित्र गरिसक्नु पर्ने क्लबले जानकारी दिएको छ ।
३:असोज ३१ गते टिम दर्ता गराएरकात्र्तिक १ गते विहान ९ बजेभित्र टिम दशरथ मावि खेल मैदान आटीचौरमा उपस्थित भइसक्नु पर्नेछ
४:एक टिममा १।१ जना कोच मेनेजर सहीत १८ जना मात्र खेलाडी सहभागि गराउन पाउने
५:फोटो सहीतको फारम अनिवार्य भरेर टिममा सहभागि खेलाडीको नागरिकता वा परिचय खुल्ने परिचय पत्र अनिवार्य राख्नु पर्ने ।
६:कोरोनाका कारण स्वास्थ्य सुरक्षा मापदण्डलाई अनिवार्य पालना गर्नुपर्ने ।
७:टिम दर्ता शुल्क १० हजार र धरौटी शुल्क ३ हजार लाग्ने ।
८:खेल एन्फाकै रेफ्रीद्धारा खेलाइने छ ।
९:देशका जुनसुकै क्षेत्र र जिल्लाबाट पनि भाग लिन पाउने छन ।
१०:खेलमा ३० टिमको सहभागिता हुने