90 पटक पढिएको
काठमाडौँ–पछिल्लो २४ घण्टामा एक हजार ३३० जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार १३ हजार ६२२ मा परीक्षण गर्दा सो सङ्ख्यामा संक्रमण पुष्टि भएको हो । नेपालमा संक्रमण दर १९.१ प्रतिशत छ । यस्तै सक्रिय संक्रमितको संख्या २१ हजार ५२४ रहेका छन् । पाँच सयभन्दा बढी संक्र्रमित भएका जिल्ला ९ र २०० भन्दा बढी संक्र्रमित हुने जिल्ला १९ पुगेका छन् ।
पाँच सयभन्दा बढी संक्र्रमित हुने जिल्लामा मोरङ, सुनसरी, झापा, काठमाडौँ, भक्तपुर, ललितपुर, मकवानपुर, कास्की र रुपन्देही रहेका छन् । पछिल्लो २४ घण्टामा दुई हजार ८३० जना सङ्क्रमणमुक्त भएका छन् । यो सँगै हालसम्म नेपालमा सात लाख ५४ हजार सङ्क्रमणमुक्त भएका छन्। नेपालमा थप १३३० जनामा कोरोना संक्रमण , १८३० संक्रमण मुक्त हुने दर ९५.९ प्रतिशत रहेको छ।
यसैगरी पछिल्लो २४ घण्टामा कोरोना भाइरस सङ्क्रमणबाट पाँच जनाको मृत्यु भएको छ। योसँगै हालसम्म नेपालमा सङ्क्रमणबाट मृत्यु हुनेको ११ हजार ५३ पुगेको छ। नेपालमा प्रति १० लाखमा ३७२.५ सङ्क्रमितको मृत्यु भएको तथ्याङ्क छ। यस्तै मन्त्रालयका अनुसार ३३५ जना सघन उपचार कक्ष (आइसियु), १०७ जना भेन्टिलेटर, २० हजार १६४ जना होम आइसोलेसन, एक हजार ३६० जना संस्थागत आइसोलेसन र २५० जना क्वारेन्टिनमा छन्।
आज नेपालमा ५५ हजार २४२ ले कोरोनाविरुद्धको खोप लगाएका छन्। अहिलेसम्म ६२ लाख ३० हजार ८२३ ले पहिलो मात्रा र ५६ लाख २८ हजार ७९२ ले पूर्ण मात्राको खोप लगाइसकेका छन्।
दिनेश खबरबाट साभार
प्रतिक्रिया
सम्बन्धित खवर
