436 पटक पढिएको
बाजुरा – नेपाली काँग्रेसको १४ औं महाधिवेशन तथा ७ औं जिल्ला अधिवेशनका लागि बाजुराका ६९ वडाको अधिवेशन आजबाट सुरु हुने भएको छ ।
१४ औं महाधिवेशन तथा ७ औं जिल्ला अधिवेशनका लागि एकैसाथ वडा अधिवेशन गर्न लागेको नेपाली काँग्रेस बाजुराका सभापति कविराज पण्डितले लोकतन्त्र बिहानी न्यूजलाई जाकारी दिए ।
सभापति पण्डितका अनुसार असोज २ गते बसेको नेपाली काँग्रेस बाजुराको बैठकले असोज ६ गते गर्ने निर्णय गरेको बताए ।
नेपाली काँग्रेस बाजुराका सचिव दीपक विक्रम शाहले भौगोलिक विकटाता र क्रियाशिल विवादका कारण केन्द्रीय सर्कुलर अनुसार असोज ५ गते सम्भव नभएपछि जिल्ला निर्वाचन समितिको प्रस्तावमा पार्टीले असोज ६ गते बुधबार गर्ने निर्णय गरेको बताएका छन ।
वडा अधिवेशनमा नेपाली काँग्रेसका केन्द्रीय सदस्य बद्री पाण्डे गृह वडामा समेत सहभागी भएको सचिव शाहले बताए ।
वडाबाट नै क्षेत्रिय प्रतिनिधी आउनु पर्ने भएकाले जिल्लाका शिर्ष नेताहरु आ–आफ्नो वडाका गएका खबर प्राप्त भएको छ ।
पार्टीको १४ औं महाधिवेशनका लागि वडामा हुने अधिवेशनमा केन्द्रीय सदस्य बद्री पाण्डे हिमाली गाउँपालिकाको रुगिनमा पुगेका छन् । यस्तै पार्टी सभापति कविराज पण्डित,पुर्व भुमिसुधार सहायक मन्त्री जनकराज गिरी,संविधान सभाका सदस्यद्धय देवराज जोशी र महा नेपाली, महासमिति सदस्य पदमबहादुर शाही,जुना दानी,वरिष्ठ नेता रामसिंह रावल र महाधिवेशन प्रतिनिधी चक्रबहादुर शाह लगायतका नेताहरु वडाको अधिवेशनमा सहभागी भएको नेपाली काँग्रेस प्रचार प्रसार उप–समिति संयोजक रनसिंह अयडीले जानकारी दिएका छन ।
आज हुने वडा अधिवेशनमा सहमती सहकार्य र एकताको अधिवेशन बनाउने गरी एकै साथ काँग्रेसले वडा अधिवेशन गरेको प्रचार प्रसार उप–समिति संयोजक अयडीको भनाई रहेको छ ।
पार्टीको ७ औ जिल्ला अधिवेशनका लागि वडाको असोज ६ गते,गाउँ / नगरपालिका अधिवेशन असोज ९ गते,प्रदेश निर्वाचन क्षेत्र अधिवेशन असोज १२ गते र जिल्ला अधिवेशन असोज १६ गते गर्ने तयारी भएको जिल्ला निर्वाचन समितिका निर्वाचन अधिकृत सन्तोष भण्डारीले बताए । निर्वाचन समितिको प्रस्तावमा नेपाली काँग्रेस बाजुराले निर्णयलाई सदर गर्दै तोकिएको समयमा अधिवेशन हुने उनले बताए ।
वडा,गाउँ/नगरपालिका र प्रदेश निर्वाचन क्षेत्र अधिवेशनका लागि मतदान अधिकृत र सहायक मतदान अधिकृतहरुलाई प्रशिक्षण गरी अधिवेशनमा खटाइएको निर्वाचन अधिकृत भण्डारीको भनाई रहेको छ ।
जिल्लाका ६९ वडामा,गाउँ/नगर र प्रदेश निर्वाचन क्षेत्रमा एक सय ६२ मतदान र सहायक मतदान अधिकृत खटाइएको छ ।
पार्टीको ७ औं जिल्ला अधिवेशनको तयारी तिव्र रुपमा भइरहेको छ । अधिवेशनका लागि आवास व्यवस्थापन,मञ्च व्यवस्थापन,स्वयम सेवक परिचालन लगायतका उप–समिति बनाएर तयारी भइरहेको नेपाली काँग्रेस बाजुराले जनाएको छ ।
